EZEKIA 14:4 - Mara Bible RV (BSI)

⁴ Chavâta âmo chho la, ama hnohta hetana heta tah mah y: ‘Abeipa Zehôvâh ta hetana heta a tah: Izarei pathla ahy rai ta, a khazoh nothlahpazy a palôh liata soh ta, a paraona ahluana lô a hmia liata sona chôta hrohsopa lâ a pangaipa maih cha, kei Abeipa heta a khazoh nothlahpa hluhzie lymâ hawhta ei chhy aw.

EZEKIA 14:4 ပူးပေါင်းရင်းမြစ်များ

2 ABEIZY 1:16

Elaizâh ta abei hnohta, “Abeipa ta hetana heta a tah: ‘A bie a saohiah awpa Khazohpa Izarei râh liata a y khao leipa ma a châ haw? Khazia Ekaraw khih khazoh Bâlâzebu a saohiah awpa ta lyuhchâpazy na tua? Chavâta rakhô na kiapa tawhta chô khao aw va chi, na thi tlai aw,’” tah ta.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ISAI 66:4

Aw ei na ta, ahy hmahta na chhy leipa ei ta, Bie reih na ta, nathlie hra veih ei; Ei mohmô liata hmo pha leipa tao ei ta, Ei ly leipa hmo amâ tlyhpa vâta, Kei chhao ta ama chô liata chahrâh kawpa ta tao aw na ta, Ama chipazy ama chô liata ei patlôsa aw,” Abeipa ta a tah.

EZEKIA 14:3

“Chyhsa sawchapawpa y, he chyhsazy he ama khazoh nothlahpazy ama palôh liata soh ei ta, ama paraona ahluana lô ama hmia liata a sohpa ama châ hih. Einâ saohiah awpa ei ta ei paryhsa awpa a châ rai ma?

EZEKIA 14:6

“Chavâta Izarei pathlazy hnohta, ‘Abeipa Zehôvâh ta hetana heta a tah: Ro u la, nama khazoh nothlahpazy a heihsaipa ta vaw kua u la, nama pasichhihna zydua a heihsaipa ta vaw kua ha muh vy,’ tahpa ta chho teh u.

EZEKIA 14:7

Izarei pathla tlyma, Izarei râh liata chihropa a pahrâpa tlyma, kei tawhta a pananopa ta, a khazoh nothlahpazy a palôh liata soh ta, a paraona ahluana lô a hmia liata sona chôta, kei nâ saohiah awpa ta hrohsopa lâ a pangaipa maih cha, kei Abeipa tlai heta ei chhy aw.

EZEKIA 2:7

Saw chhorupazy châ ei ta, ama nathlie tlyma, nathlie vei tlyma, ei biezy he ama hnohta na rei awpa a châ.

EZEKIA 3:4

Chatawhcha Abeipa ta ei hnohta, “Chyhsa sawchapawpa y, Izarei pathlazy lâ sie la, ama hnohta ei biezy he kei reih teh.

EZEKIA 44:12

Ama khazoh nothlahpazy hmiakô liata chakao ei ta, Izarei pathlazy châta moleina liata ahluana lô ama châ tyhpa vâta, ku chaluahpa ta bie ei taih haw. Ama moleina maoh ama phaoh tlai aw, Abeipa Zehôvâh ta a tah.

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.