EZEKIA 14:3 - Mara Bible RV (BSI)

³ “Chyhsa sawchapawpa y, he chyhsazy he ama khazoh nothlahpazy ama palôh liata soh ei ta, ama paraona ahluana lô ama hmia liata a sohpa ama châ hih. Einâ saohiah awpa ei ta ei paryhsa awpa a châ rai ma?

EZEKIA 14:3 ပူးပေါင်းရင်းမြစ်များ

2 ABEIZY 3:13

Elaisâh ta Izarei bei hnohta, “Nâ nata kei ta azaona khâpa eima hnei? Na paw hrohsopazy lâ sie la, na nô hrohsopazy lâ sie teh,” tah ta. Izarei bei ta a hnohta, “Sie aw va na., He bei pathôhzy he Môabâ ku liata hlâ awpa ta Abeipa ta miah a awpakhypa a châ hih,” tah ta.

HLAZY 101:3

Hmo pha leipa kheihawhpa rai, Ei mohmô liata soh aw va na. Lâpi a tleipazy hmotaopa a hao na ta, Kei liata a bai aw vei.

HLAZY 66:18

Ei palôh liata moleina ei pasô khiahta cha, Abeipa ta na nathlie aw vei.

BIESOZY 15:29

Abeipa cha moleipa tawhta a hla ta, Mosiapa thlahchhâna deikua a thei tyh.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 21:27

Moleipa atheihna hlâpa cha pasichhihpa châ ta, Moleina palôh chhaota a hlâpa chhochhi cha pasi â chhih via pachai.

BIESOZY 28:9

Ryhpa nathlie khoh leipa ta a nah su hro lâ a paheipa cha, A thlahchhâna chhao pasichhihpa a châ.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ZEREMIAH 11:11

Chavâta Abeipa ta hetana heta a tah, moh teh u, chhiena ama chô liata vaw patlôsa na ta, khôkhâh thei aw veih ei. Na aw hra ei sala, a chhy aw veih ei na.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

ZEREMIAH 21:2

“Babylaw bei Nebukaneza ta miah â dyuh ha hih. Abeipa miah a saohiahpa teh. Hmo noâhpa a tao tyhpa Abeipa ta miah bao aw ta, Nebukaneza he a pakuasa thlah ha ngyu aw lah,” tahpa ta a pachhosa no ei ta Zeremiah hnohta Abeipa bie a vaw tlôpa a châ.

EZEKIA 11:21

Hmo puapazy nata pasichhihpazy lâta ama palôh a siepazy deikua cha, ama hmotaopazy cha âmo luh chô liata ei patlôsa aw, Abeipa Zehôvâh ta a tah.”

EZEKIA 14:2

Abeipa bie ei hnohta vaw tlô ta:

EZEKIA 14:4

Chavâta âmo chho la, ama hnohta hetana heta tah mah y: ‘Abeipa Zehôvâh ta hetana heta a tah: Izarei pathla ahy rai ta, a khazoh nothlahpazy a palôh liata soh ta, a paraona ahluana lô a hmia liata sona chôta hrohsopa lâ a pangaipa maih cha, kei Abeipa heta a khazoh nothlahpa hluhzie lymâ hawhta ei chhy aw.

EZEKIA 14:7

Izarei pathla tlyma, Izarei râh liata chihropa a pahrâpa tlyma, kei tawhta a pananopa ta, a khazoh nothlahpazy a palôh liata soh ta, a paraona ahluana lô a hmia liata sona chôta, kei nâ saohiah awpa ta hrohsopa lâ a pangaipa maih cha, kei Abeipa tlai heta ei chhy aw.

EZEKIA 20:16

Ama khazoh nothlahpazy lâta ama palôh siepa ta, ei ryhpazy thy ei ta, ei bieraopazy a chhih leipa ei ta, ei Pahânohzy ama papuapaleipa vâta, chyhu ei sa thlupa ei a châ.

EZEKIA 20:3

“Chyhsa sawchapawpa y, Izarei machâzy chho la, ama hnohta, Abeipa Zehôvâh ta hetana heta a tah: Keima nâ saohiah awpa ta a vypa ma nama châ? Ei hrona reipa ta ei reih. Nâmo a saohiah awpa ta y aw va na, Abeipa Zehôvâh ta a tah, tah mah y.

EZEKIA 20:31

Nama hmohlâpazy hlâ ei chi ta, nama sawzy mei liata raopa ta atheihna ta nama hlâpa liata, tanoh taihta nama khazoh nothlahpa zydua liata namâ papuapaleipa a châ. Hy Izarei pathlazy saih u, nâmo a saohiah awpa chi ei châ ma? Ei hrona reipa ta ei reih, nâmo a saohiah awpa chi châ va na,” Abeipa Zehôvâh ta a tah.

EZEKIA 3:20

“Cha hawh pyly ta, chyhsa siapa cha a siana a heihsai ta, hmo doleipa a taopa vâta, a hmiakô liata achapiana ei so khiahta cha, a thi aw. Zikyu nâ râ leipa vâta, a moleina vâta thi aw ta, hmo pha a taopazy a theipa châ khao aw vei. A thisaih maoh deikua cha na ku liata a y aw.

EZEKIA 33:30

“Nâma kyh liata cha, chyhsa sawchapawpa y, thokhy kiapâh nata ochhizy liata na thâtih a reih khoh kaw tyhpazy ta a chho raihrie ei ta, chyhsa to ta ama unawhzy hnohta, ‘A vy u la, Abeipa tawhta bie a puapa nathlie tua u,’ ama tah awh.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

EZEKIA 44:12

Ama khazoh nothlahpazy hmiakô liata chakao ei ta, Izarei pathlazy châta moleina liata ahluana lô ama châ tyhpa vâta, ku chaluahpa ta bie ei taih haw. Ama moleina maoh ama phaoh tlai aw, Abeipa Zehôvâh ta a tah.

EZEKIA 6:9

Zaozi a khôkhâhpazy chata sei ta amâ chhina phopizy hry tawhta einâ thei aw ei. Amâ phei khohna palôh vâta nâ heihsai ei ta ei palôh pasana nata ama khazoh nothlahpazy liata ama aohraohna mokhaohzy vâta ei palôh pasana zy a thei aw ei ta, hmo pha leipa ama taopazy nata ama pasichhihna zydua vâta, âmosasyh ta amâ pasi aw.

EZEKIA 7:19

Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

HÔSIA 4:5

Nohchhô sawhvaw ta pao aw chi ta, Zâ ta hrohsopa nata na pao khoh aw; Na nô cha ei pahleipadia aw.

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.

ZEKARIA 7:13

“Aw ei na ta châhrasala nathlie khoh veih ei. Chavâta na aw ei ta, kei chhao ta nathlie veih ei na.

LUKA 20:8

Zisu ta ama hnohta, “Kei chhao ta, ahy biehneina ta ma he hmozy he ei tao tahpa cha chho hra aw veih ei na,” tah ta.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.

1 SAMUELA 28:6

Abeipa a saohiah ta, châhrasala Abeipa ta mâ lâta tlyma, Uri ta tlyma, hrohsopazy hmâpa ta tlyma a chhy leipa ta.