EZEKIA 14:23 - Mara Bible RV (BSI)

²³ Ama hroziezy nata ama hmotaopazy nama hmôpa ta nama thlalôh aw ta, ei taopa zydua cha a chhâpa hnei leipa ta ei taopa y vei tahpa nama pahno aw, Abeipa Zehôvâh ta a tah.”

EZEKIA 14:23 ပူးပေါင်းရင်းမြစ်များ

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

ZAWBÂ 33:27

Chyhsapa cha chyhsazy hmiakô liata a phuah ta, ‘Hmoparaopa ta biedopa pako na ta, Châhrasala viarithôpa châ va na.

BIESOZY 26:2

Boby a viapa hawhta nata siviah â zawpa hawhta, A chhâpa y leipa ta chhiesapa cha a pai aw.

EZEKIA 15:1

Abeipa bie ei hnohta vaw tlô ta:

EZEKIA 16:54

Chatanachata na nohzaona phaoh aw chi ta, na hmotaopa zydua vâta nozapa ta y aw chi ta, âmo châta hnangâhna na châpa aw ei.

EZEKIA 31:16

A paona pyu ta phopizy chalyusa na ta, khaohtlô lâ a tla hapazy hnohta Athihkhih liata ei thy pathlah nota phopizy ei chalyusa ei. Idâh tho zydua, Lebanaw tho pha chaipazy, ti ta pasapa tho zydua cha alei ry liata thlah palôhpa ta ama y.

EZEKIA 7:27

Abei cha mâchhie sa aw ta, abei sawchapawpa chhao hnabeidyna chysia ta a tobi aw ta, râh zawpi kuzy â chalyu aw. Âmo hrozie hawhta ama chô liata patlôsa aw na ta, chyhsa ama pachiazie hawhta âmo chhao ei pachia aw ei. Chatanachata Abeipa ei châ tahpa ama pahno aw.”

DÂNIAH 9:14

Chavâta Abeipa ta chhiena cha a mâ chiehpa ta soh thlâh ha ta, eima chô liata a vaw patlôsa hapa a châ. Abeipa eima Khazohpa cha asiapa châ ta, a hmotaopa zydua liata chhao sia ta, chatana chôta a bie zyh ma pi.

DÂNIAH 9:7

Hy Abeipa, siana cha nâma eih châ ta, keimo tovyuh deikua cha nozana deita a châ, tanoh ta hmo a ypa hawhna tlai heta. Zudâh chyhsazy, Zerusale liata a pahrâpazy, Izarei zydua nata sei ta nâ chhina râh zydua liata lâhnia nata lâhla liata a ypazy ta haiphiahpa ta na chô liata hmo ama taopa vâta, tanoh nozapa ta eima y ha hih.

THEIHTHAINA 26:40

“Châhrasala ei chô liata ama paraona nata ama pathlatuhpazy paraonazy a phuahpa ta, ei kho leizie ta ama ypazy a phuah ei sala,

THEIHTHAINA 26:41

ama paraonazy vâta ama kho leizie ta hmo tao na ta, ama chariahpazy râh lâta ei chhipa ei kha pahnopa ta, ama pathipalôh chopawtaileipa a panawh ei sala, ama hmo paraona tawhta a taopathi amâ chhuah khiahta cha,

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”

BIEPHUAH 16:6

Mopathaihpazy nata hrohsopazy thisaih palo ei ta, Thisaih lilaw na padosa ha ei; Amâ phuhpa rai a châ!” a tahpa thei na ta.