EZEKIA 14:22 - Mara Bible RV (BSI)

²² Chatahrasala pachâ teh u, sawchapaw nata sawchanô laibâhpa thokhazy cha khihpi chhôh liata pahlôhpa châ aw ei ta, khihpi tawhta a chhi papuapa ama châ aw. Nâmo lâ ama vaw pua tita, ama hroziezy nata ama hmotaopazy hmô aw ei chi ta, Zerusale chô liata chhiena ei patlôsapa kyh liata thlahpalôhpa châ aw ei chi ta, khihpi chô liata ei patlôsapa zydua kyh liata thlahpalôhpa nama châ aw.

EZEKIA 14:22 ပူးပေါင်းရင်းမြစ်များ

2 THÂTIHZYRONA 36:20

Zaozi a khôkhâhpazy cha Babylaw lâ a chhi ei ta, Persia khinarâh â duana taihta Bei Nebukaneza nata a sawchapawzy chakaotuhpazy ta ama y lymâ.

ISAI 24:13

Alei liah liata phopizy hry liata, Hetana heta a vaw tlô aw; Ôli kô a thei chakhyh khaipa hawhta châ aw ei ta, Kre thei lyu khai tawhta kâmo thohpa hawhta ama châ aw.

ISAI 6:13

Râh liata chyhsa su hrawh su kha a ngua hra ei sala, Roryhrapa ta paysapa a châ heih aw. Châhrasala terebi nata ôkâ thozy thlu nota, Ama chuahmizy pahlôhpa a châpa hawhta, Chipathla pathaihpa cha Izarei thaby châta pahlôhpa a châ aw.”

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

ZEREMIAH 4:27

Abeipa ta hetana heta a tah: “Râh pôhpalôhpa roryhrapa ta y aw ta, Chatahrasala chhâ pathlahna patlôsa aw va na.

ZEREMIAH 5:19

Chyhsazy ta, “‘Khazia ma Abeipa eima Khazohpa ta he hmo zydua he eima chô liata a tao tly?’ ama tah tita, ‘Na siesai ei chi ta, chihropa khazohzy nama râh liata nama chakaopa hawhta, nâmo chhao nama râh a châ leipa liata chihropazy nama chakao aw,’ Abeipa ta a tah,” na tah aw.

EZEKIA 12:16

Châhrasala ama hry tawhta a chyhta zaozi pakhôkhâhsa aw ei na ta, chakâhna nata potlana ei pakhôkhâhsa aw ei. Chatanachata ama siena phopizy hry liata ama y nota, hmo pasichhihpa ama taopazy a thei aw ei ta, Abeipa ei châ tahpa ama pahno aw,” tah ta.

EZEKIA 16:54

Chatanachata na nohzaona phaoh aw chi ta, na hmotaopa zydua vâta nozapa ta y aw chi ta, âmo châta hnangâhna na châpa aw ei.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 20:43

Cha liata nama hroziezy nata nama hmotaopazy ta namâ papuapaleipa zydua kha a thei aw ei chi ta, hmo pha leipa nama taopa zydua vâna khata nâmosasyh ta namâ pasi kaw aw.

EZEKIA 31:16

A paona pyu ta phopizy chalyusa na ta, khaohtlô lâ a tla hapazy hnohta Athihkhih liata ei thy pathlah nota phopizy ei chalyusa ei. Idâh tho zydua, Lebanaw tho pha chaipazy, ti ta pasapa tho zydua cha alei ry liata thlah palôhpa ta ama y.

EZEKIA 32:31

“Phiraoh ta âmo cha a hmô nahta, a chyhsa a thipazy kyh liata hnangâhpa ta y aw ta, Phiraoh nata a pheisaih zydua cha, zaozi ta thiepazy ama hmô nahta, hnangâhpa ta ama y aw, Abeipa Zehôvâh ta a tah.

EZEKIA 36:20

Ama siena râhzy ama tlô nahta, ama tlôna maih liata ei moh pathaihpa papuapalei ei ta, cha hawhta ama ypa vâta chyhsazy ta, ‘Hezy he Abeipa phopi châ ei ta, châhrasala râh tawhta a pua hapazy ama châ hih,’ ama tah tyh.

EZEKIA 36:31

Nama hrozie moleipazy nata nama hmotao pha leipazy a kaw thei aw ei chi ta, nama paraona nata pasichhihnazy vâta nâmosasyh ta namâ pasi kaw aw.

EZEKIA 7:16

Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

MÂKA 13:20

Abeipa ta cha nohzy cha pachhosa leipa chhochhi sala, chyhsa ahy hmahta pachhapa ta y aw veih ei. Châhrasala chyhsa atlyhpa, a raopazy vâta nohzy cha a pachhohsapa a châ.

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.