EZEKIA 14:16 - Mara Bible RV (BSI)

¹⁶ ei hrona reipa ta ei reih, he chyhsa pathôhpazy he hmahta, he râh liata y hra ei sala, ama sawchapawzy nata sawchanôzy pachha thei pyly aw veih ei, Abeipa Zehôvâh ta a tah. Âmo deita pachhapa châ aw ei ta, râh deikua cha roryhrapa ta a y thlyu aw.

EZEKIA 14:16 ပူးပေါင်းရင်းမြစ်များ

ÂTHAONA 19:29

Khazohpa ta bypi khihpizy a parao nota, Khazohpa ta Abarahâ cha a thei thlâh ha ta. Chatanachata Lawta pahrâna khihpizy a parao nota, Lawta cha a rao haipa hry tawhta â chhi papua haw.

ZAWBÂ 22:20

‘Eima khakhaipazy chhawh pathlahpa châ ei ta, Laibâhpazy mei ta a kâ khai ha ei,’ ama tah.

EZEKIA 14:14

chyhsa pathôh, Nôah, Dâniah nata Zawbâ zy hmahta râh chhôh liata y hra ei sala, ama siana vâta âmo hrona deita ama pachha thei aw, Abeipa Zehôvâh ta a tah.

EZEKIA 14:18

ei hrona reipa ta ei reih, he chyhsa pathôh he hmahta râh liata y hra ei sala, ama sawchapawzy nata sawchanôzy pachha thei hlei aw veih ei. Âmo deita pachhapa ama châ aw, Abeipa Zehôvâh ta a tah.

EZEKIA 14:20

ei hrona reipa ta ei reih, Nôah, Dâniah nata Zawbâ zy hmahta râh liata y hra ei sala, ama sawchapaw tlyma, ama sawchanô tlyma pachha thei aw veih ei. Ama siana vâta âmo hrona deita ama pachha aw, Abeipa Zehôvâh ta a tah.

EZEKIA 18:20

Moleina a taotuhpa ta a hrona a pahlei aw. Sawchapaw­pa ta a paw paraona phaoh leipa aw ta, a paw chhao ta a sawchapawpa paraona phaoh aw vei. Mosiapa siana cha mosiapa chô liata y aw ta, moleipa moleina chhao moleipa chô liata a y aw.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

HMOTAOPAZY 27:24

ei hnohta, ‘Pawla, chi khah y, Kaisarâ hmiakô liata nâ duah awpa a châ. Moh teh, na hnohta balyh liata a siepa zydua chhao kha, Khazohpa ta a cha pie,’ eina tah.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.