EZEKIA 14:14 - Mara Bible RV (BSI)

¹⁴ chyhsa pathôh, Nôah, Dâniah nata Zawbâ zy hmahta râh chhôh liata y hra ei sala, ama siana vâta âmo hrona deita ama pachha thei aw, Abeipa Zehôvâh ta a tah.

EZEKIA 14:14 ပူးပေါင်းရင်းမြစ်များ

ÂTHAONA 6:8

Nôah deikua cha Abeipa modypa ta y ta.

ÂTHAONA 7:1

Chatawhcha Abeipa ta Nôah hnohta, “Nâma nata na chhôhkha zydua balyh liata a ngia teh u. He chhâ liata nâma deita he ei hmiakô liata chyhsa siapa a y chhôhpa na châ.

1 THÂTIHZYRONA 1:4

Lâmeka ta Nôah sa ta, Nôah ta Semâ, Hamâ nata Zaphethâ zy a sa ei.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

BIESOZY 11:4

Hiehâhna noh liata cha, Hneirôna ta phahnaina hnei khao leipa ta; Siana deikua ta cha, Thina tawhta a pachha tyh.

ZEREMIAH 11:14

“Chavâta he phopi he thlahchhâpa leipa la, âmo châta awh hra leipa la, thlahchhâ hra khah y. Ama nôpona daihti liata na aw hra ei sala nathlie khao aw veih ei na.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 7:16

“Chavâta he phopi châna heta thlahchhâ khoh hlei khah y. Âmo châta awh leipa la, thlahchhâna ao papua hra leipa la, kei lâta hiana taopa hra khah y, cha nathlie aw va na.

EZEKIA 14:16

ei hrona reipa ta ei reih, he chyhsa pathôhpazy he hmahta, he râh liata y hra ei sala, ama sawchapawzy nata sawchanôzy pachha thei pyly aw veih ei, Abeipa Zehôvâh ta a tah. Âmo deita pachhapa châ aw ei ta, râh deikua cha roryhrapa ta a y thlyu aw.

EZEKIA 14:18

ei hrona reipa ta ei reih, he chyhsa pathôh he hmahta râh liata y hra ei sala, ama sawchapawzy nata sawchanôzy pachha thei hlei aw veih ei. Âmo deita pachhapa ama châ aw, Abeipa Zehôvâh ta a tah.

EZEKIA 14:20

ei hrona reipa ta ei reih, Nôah, Dâniah nata Zawbâ zy hmahta râh liata y hra ei sala, ama sawchapaw tlyma, ama sawchanô tlyma pachha thei aw veih ei. Ama siana vâta âmo hrona deita ama pachha aw, Abeipa Zehôvâh ta a tah.

EZEKIA 16:18

Na chysia chapaipazy lapa ta, âmo cha bu chi ta, ei sathaw nata ei ropahâhpa zy ama hmiakô liata na sopa tyh ei.

EZEKIA 16:20

“Nâma nâ zuapa bao hmahta â daih tah leipa chi ta, keima liata na sapa na sawchapawzy nata na sawchanôzy a chhi chi ta, atheihna ta hlâ awpa nata ama nie awpa ta, khazoh nothlahpazy lâ na hlâ ei.

EZEKIA 18:20

Moleina a taotuhpa ta a hrona a pahlei aw. Sawchapaw­pa ta a paw paraona phaoh leipa aw ta, a paw chhao ta a sawchapawpa paraona phaoh aw vei. Mosiapa siana cha mosiapa chô liata y aw ta, moleipa moleina chhao moleipa chô liata a y aw.

EZEKIA 28:3

Dâniah hlâta so via tlai chi ta, Nâ tawhta nyupa rai y vei.

EZEKIA 3:19

Moleipa cha zikyu a râ ha la, a moleina siesai leipa sala, a moleina lâpi â heihsai leipa khiahta deikua cha, a paraona vâta thi aw ta, nâ deikua cha na hro na pabohsa aw.

DÂNIAH 1:6

Chazy hry liata Zudâh pathla liatapa Dâniah zy, Hânaniah zy, Misela zy, Azariah zy amâ hlao hra.

DÂNIAH 10:11

Ano ta ei hnohta, “Hy Dâniah, chyhsa pasâhsa a chhih ngaitapa y, na hnohta bie ei rei awpazy he pakhâta ta pachâ mah y; a kaw duah teh, na hnohta tuapa ei châ hih,” tah ta. He bie he ei hnohta a reih khai nahta, a chalyuna chôta a kaw duah na ta.

DÂNIAH 9:21

thlahchhâna bie ei rei hai no tlai ta, aluahna hmiatuapa liata ei hmôpa chyhsa, Kabriel kha ta, zâlâ atheihna hlâ daihti liata a chatliepa ta kei lâ a zâ zaw ta.

DÂNIAH 9:23

Thlahchhâ nâ thaopa nah kha ta, bie pua ha ta, cha kyh cha cha chho awpa ta ei vy, pasâhsa a chhih ngaitapa na châpa vâta. Chavâta bie he pachâ la, aluahna cha pahno mah y.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.