EZEKIA 14:11 - Mara Bible RV (BSI)

¹¹ Chatanachata Izarei pathlazy cha kei tawhta pavia khao leipa aw ei ta, ama paraona zydua vâta a papua khao hra leipa aw ei ta, ei phopi tlao châ aw ei ta, kei ama Khazohpa ei châ aw, Abeipa Zehôvâh ta a tah.”

EZEKIA 14:11 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

HLAZY 119:67

Pasa pataosapa ei châ hlâ tawh chhao ta, Cha tleisai ha na ta; Tahmâ deikua cha na bie ei zyh lymâ.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ZEREMIAH 11:4

Nâmo châ pathlatuhpazy Izi râh thua patina meihô tawhta ei chhi papua nona ei kha, ei ao nathlie awpa nata ei biepie zyh awpa ta bie ei pie ei. Chatanachata ei phopi châ aw ei chi ta, kei nama Khazohpa ei châ aw.

ZEREMIAH 23:15

Chavâta hrohsopazy kyh liata, Pheisaihzy Abeipa ta hetana heta a tah: “Pachâ teh u, Zerusale hrohsopazy tawhta a thaopa ta, Râh zydua liata Khazohpa papeisa leina a tlai hapa vâta, Pati khapa paniesa aw ei na ta, Châmaih ti ei padosa aw ei.”

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 32:38

Ei phopi châ aw ei ta, kei ama Khazohpa ei châ aw.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

EZEKIA 14:10

Ama paraona vâta hriena phaoh aw ei ta, hrohsopa nata ano a saohiahtuhpa cha â lyupa ta hriepa ama châ aw.

EZEKIA 14:12

Abeipa bie ei hnohta vaw tlô ta:

EZEKIA 37:23

Ama khazoh nothlahpazy nata ama hmo pasichhihpazy ta a papuapalei khao leipa aw ei ta, ama paraonazy ta a papuapalei khao aw veih ei. Ama moleina nata hnôh amâ syna zydua tawhta pachha aw ei na ta, ei pathaisa aw ei. Ei phopi châ aw ei ta, ama Khazohpa ei châ aw.

EZEKIA 37:27

Ei pahrâna su ama hnohta y aw ta, ama Khazohpa châ aw na ta, ei phopi ama châ aw.

EZEKIA 39:22

Cha noh tawhta cha, Izarei pathlazy ta kei he Abeipa ama Khazohpa ei châ tahpa ama pahno ha aw.

EZEKIA 44:10

Izarei a sie chhei nota, na tleisai ei ta, ama khazoh nothlahpazy pazipa ta, kei tawhta lâ hlapi lâta a sie hapa Livai chizy chhao ama paraona maoh ama phaoh aw.

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

EZEKIA 48:11

Cha su pathaihpa cha Zadô pathla theihthaipa panano eihpazy châta a châ aw. Âmo cha Izarei sawzy ama tlei nota, Livai chizy chhao ta ama tlei hapa hawhta tlei hra leipa ei ta, ei bie a zyhtuhpazy tlao ama châ.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

RYHPACHANEINA 13:11

Chatanachata Izarei saw zydua ta thei aw ei ta, chi aw ei ta, nama hry liata cha hawhpa moleina chichhihpa cha tao khao aw veih ei.

RYHPACHANEINA 19:20

Cha thâtih cha laibâhpazy ta thei aw ei ta, chi aw ei ta, cha hawhpa hmo pha leipa cha nama hry liata tao khao aw veih ei.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.