EZEKIA 13:8 - Mara Bible RV (BSI)

⁸ Chavâta Abeipa Zehôvâh ta hetana heta a tah: “Biedoleipa reih ei chi ta, aluahna phichhyhpa nama hmôpa vâta, moh teh u, ei châ dyuh ei, Abeipa Zehôvâh ta a tah.

EZEKIA 13:8 ပူးပေါင်းရင်းမြစ်များ

1 ABEIZY 13:18

Hrohsopa ta a hnohta, “Kei chhao he nâ hawhta hrohsopa ei châ hra. Vâlyuhchâpa ta ei hnohta, ‘Viahchhâ zy niepa ta, ti zy doh awpa ta, na hnohta na o lâ a chhi mah y,’ tahpa ta Abeipa bie ta eina chho,” tah ta. Cha cha haipa bie a chhopa a châ.

ZEREMIAH 21:13

“Hy saikao liata a pahrâpazy saih u, Ei châ dyuh ei; Hy bypi lôpanô, Ei châ dyuh. ‘Ahy ma miah a zuhnao aw ta, Ahy ma eima ynazy liata a vaw ngia aw?’ A tah tyhpazy saih u, Ei châ dyuh ei,” Abeipa ta a tah.

ZEREMIAH 23:30

“Chavâta pachâ teh u, ei bie â parupa raihrie tyhpa hrohsopazy ei dyuh ei,” Abeipa ta a tah.

ZEREMIAH 29:31

“Seichâna liata â tâhpa zydua lâ chyhsa tuah la, ama hnohta, ‘Nehelâ chyhsa Semiah kyh liata Abeipa ta hetana heta a tah: Kei ta ei tua leipa pi tlai ta, Semiah ta nama hnohta hrohsona bie phuah ta, haipa bie a cha pazosa ei.

ZEREMIAH 51:25

“Hy khizaw zydua a paraotuhpa tlâhpi, Moh teh, ei châ dyuh hih; Na chô liata ei ku hypa ta, Lôkâh sâhpa tawhta cha pahluah aw na ta, Tlâh kâupa ta ei cha tao aw” Abeipa ta a tah.

EZEKIA 21:3

Izarei râh hnohta, ‘Abeipa ta hetana heta a tah: Moh teh, ei châ dyuh hih. Ei zaozi a paih tawhta phia aw na ta, mosiapa chhao moleipa chhao, nâma tawhta ei chhawh pathlah khai ha aw ei.

EZEKIA 26:3

Abeipa Zehôvâh ta hetana heta a tah: Pachâ teh, Hy Tyre, ei châ dyuh na. Tilaipi tichatlaopa hawhta, nâma a dyuh awpa ta phopi hluhpi hrâ ei vaw pasiesa aw.

EZEKIA 28:22

‘Abeipa Zehôvâh ta hetana heta a tah,’ tah mah y: “Hy Sidaw, ei châ dyuh na, Ei rônahna nâ liata ei palâsa aw. Ano cha pachia aw na ta, Ei pathaihna a chô liata ei palâsa tita, Abeipa ei châ tahpa ama pahno aw.

EZEKIA 29:10

pachâ teh, châ dyuh na ta, na chavahzy ei dyuh hih. Izi râh cha, Mikadô tawhta Syne taihta nata Kusi râhri tlôna taihta, râh rypa nata roryhrapa râh ta ei tao aw.

EZEKIA 34:10

Abeipa Zehôvâh ta hetana heta a tah: Pachâ teh, mietaku vaituhpazy ei dyuh ei. Ei mietakuzy leidiana kyh liata âmo ku liata maophaohna soh aw na ta, mietakuzy ama mohôhna chhao ei pachhâsa aw. Chatanachata mietaku vaituhpazy cha âmosasyh a pasa khao aw veih ei. Mietakuzy cha ama pakah tawhta pachha aw ei na ta, âmo nie awpa châ khao aw veih ei.

EZEKIA 35:3

hetana heta chho teh, Abeipa Zehôvâh ta hetana heta a tah: Hy Seirâ Tlâh, moh teh, ei châ dyuh hih. Na chô liata ei ku hy aw na ta, roryhrapa nata a rypa ta ei cha tao aw.

EZEKIA 39:1

“Chavâta, nâ, chyhsa sawchapawpa y, Kawkâ kyh liata hrohsona bie phuah la, a hnohta hetana heta reih teh. Abeipa Zehôvâh ta hetana heta a tah: Moh teh, Hy Kawkâ, Mese nata Tubâ bei lai chaipa y, ei châ dyuh.

EZEKIA 5:8

Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

NÂHU 2:13

“Pachâ teh, ei châ dyuh na,” Pheisaihzy Abeipa ta a tah. “Na talailihzy rao aw na ta, A khuh ta ei pakhusa aw; Na chakeibarôhneipa lochopazy chhao, Zaozi ta pahleipadiapa ama châ aw. Sa na tai awpazy cha, Alei tawhta pachhâsa aw na ta, Na lyuhchâpazy ao theipa châ khao aw vei.”

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

1 PITY 3:12

Abeipa mo cha mosiapazy chô liata y ta, Ama thlahchhâna lâ nah a pachôh tyh. Moleipazy deikua cha, Abeipa hmia ta â dyuh tyh ei.”