EZEKIA 13:5 - Mara Bible RV (BSI)

⁵ Abeipa noh adyuhna liata Izarei pathlazy amâ dua thei nawpa ta, thokhy pyuna suzy liata vaih leipa ei chi ta, thokhy a rao hapa taopathi hra veih ei chi.

EZEKIA 13:5 ပူးပေါင်းရင်းမြစ်များ

ZAWBÂ 40:9

Khazohpa bâh hawhpa bâh na hnei ma? Ano ao hawhta tôkalôhpa a thuapa ao na papua thei ma?

HLAZY 106:23

Chavâta âmo cha pahleipadia a chhuah ta, A hiehâhna pakuasa awpa ta, A chyhsa atlyhpa Mawsi ta, Âmo nata Khazohpa likawh liata a duah vei mawh sala, A pahleipadia khai ha aw ei.

HLAZY 76:7

Nâ, nâma tlai cha chi awpa châ chi ta, Na pathi a ia ha khiahta cha, Ahy ma na hmiakô liata a duah thei aw?

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 13:9

“Moh teh u, Abeipa noh a vaw tlô hai, Ngiachhiena a hnei leipa noh châ ta, Pathiiana nata hiehâhna ru ngaitapa noh a châ. Râh cha roryhrapa ta paysa aw ta, A chhôh liata moleipazy a pahleipadia khai aw ei.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 27:4

Ei hiehâh khao vei. Ahloh nata diahsai zy a hrâh hra ei sala, Âmo cha siehnao aw ei na ta, Mei ta ei tô khai aw ei.

ISAI 34:8

Abeipa ta phuh lana noh hnei ta, Zaio kyh liata viarithôna kô a hnei.

ISAI 58:12

Bohpi a ry hapa na khihpizy cha, Paduapathipa châ aw ta; Chhâ hluhpi ta ama bôpa lôbô a cho hapazy chhao, Na padua heih aw. Araopa a taopathituhpa cha tah aw ei ta, Pahrâna lâlaizy a paduapathituhpa ama cha tah aw.”

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 23:22

Ei ryureina liata â duah hrapa châ ei sala cha, Ei phopi hnohta ei bie phuah aw ei ta, Ama lâpi doleipa tawhta pakuasapa ta, Ama hmotaopa doleipazy tawhta ama pakuasa ha awpa tlai.

ZEREMIAH 27:18

Hrohsopa châ ei sala, Khazohpa bie ama hnohta a y khiahta cha, Abeipa o nata Zudâh bei o nata Zerusale liata hmobaoh a y chypazy Babylaw lâ siekheipa a châ lei nawpa ta, Pheisaihzy Abeipa tlao a haw mawh ei sy.

EZEKIA 13:4

Hy Izarei, na hrohsopazy cha khih rypa liata changiezy ama lyu.

EZEKIA 22:30

“Râh cha ei parao lei nawpa ta, a dôhna thokhy a tao awpa nata ei hmiakô liata râh châta apyupa liata a duah awpa chyhsa ama hry liata tlua na ta, châhrasala pakha hmah hmô veih ei na.

EZEKIA 30:3

Noh a hnia ha tlôh ta, Abeipa noh â hnia haw; Meihdo zohna noh châ aw ta, Phopizy châta raona noh a châ aw.

EZEKIA 7:19

Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZÔELA 3:14

“Zasâh manôhzy kalihpi to ei ta, Pachiana saikao liata ama y! Abeipa noh cha, Pachiana Saikao liata â hnia haw.

MALAKHAI 1:9

“Miah a ngiachhie thei nawpa ta, tahmâ Abeipa khokheina hiah teh u. Kha hawhpa hmohlâpazy nama ku tawhta nama hlâ chhôh zydua cha, a châ pyh thei nah ei ta nama pangiasa ma?” Pheisaihzy Abeipa ta a tah.

MALAKHAI 4:5

Moh teh u, Abeipa noh rônahpa nata rarôh y ngaitapa a vaw tlô hlâta hrohsopa Elaizâh ei cha za tuapa tua aw ei.

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.

BIEPHUAH 16:14

Chazy cha ahripa thlahpazy châ ei ta, hmonoâhpa a tao tyhpazy ama châ. Khizaw bei zydua lâta sie ei ta, Khazohpa Atotaotheipa noh rônahpa liata adyuhna châta beizy cha ama awpakhy.

BIEPHUAH 6:17

Ama hiehâhna noh rarôh y ngaitapa vaw tlô ha ta, ahy ma a duah thei aw?” tah ei ta.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.