EZEKIA 13:19 - Mara Bible RV (BSI)

¹⁹ Haipa bie a nathliepa ei phopi hnohta haipa bie reih ei chi ta, bâli sâh pazah kha nata viahchhâ tlâ chyhta hmô nawpa ta, ei phopi hry liata na reipachhie ei chi ta, a thi tlâh a châ leipa chyhsazy thiepa ta, a hroh tlâh a châ leipazy tlao nama pahro.’

EZEKIA 13:19 ပူးပေါင်းရင်းမြစ်များ

BIESOZY 17:15

Moleipa thai a pachâsatuhpa cha, Abeipa châta pasichhihpa châ ta; Mosiapa thailei a pachâsatuhpa chhao, Abeipa châta pasichhihpa a châ.

BIESOZY 19:27

Ei sawchapawpa y, pachuna nathliepa na bâsai khiahta cha, Novâhna biezy na paviasai aw.

BIESOZY 28:21

Khokhei viapa hneipa pha leipa ta, Châhrasala viahchhâ tlâ kha vâta, Chyhsa ta hmo a parao thei.

ISAI 5:20

Hmo chhiepa cha hmo phapa tah ta, Hmo phapa cha hmo chhiepa a tahpa zy; Khaihna cha zohna ta rao ta, Zohna cha khaihna ta a raopa zy; Akhapa cha athlôhpa ta rao ta, Athlôhpa cha akhapa ta a raopazy cha, Ama hu a po na!

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 23:17

Abeipa bie khâpa saw ta a reih leipazy hnohta, ‘Nama châta a pha aw,’ tah ei ta, âmo palôh khopa a taopa chhorupa zydua hnohta, ‘Nama chô liata chhiena vaw tlô aw vei,’ ama tah tyh.”

EZEKIA 13:20

“Chavâta Abeipa Zehôvâh ta hetana heta a tah: Moh teh u, pavaw paaopa hawhta chyhsa hrona pa-ao awpa ta, pachaopadâhna lâkyu bâh liata nama pakysapazy he ei dyuh. Nama bâhzy tawhta chhie pachhô aw na ta, chyhsa nama paaopazy pathlie aw ei na ta, pavaw hawhta ei pazawsa syulyu ha aw ei.

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

EZEKIA 22:25

Râh beizy cha chakeibarôhneipa a rôh ta, sa tai ta, a hriechheihpa lyu ei ta, arulâta chyhsa teipa ta, chyhsa hronazy la ei ta, chyhsa ryubyhzy nata hmo sôhpazy lapa ei ta, râh liata nôhmei hluhpi ama paysa.

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 3:5

Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

RAWMA 14:15

Na niepa ta na unawhpa palôh a patypamâ khiahta cha, kyhpachâna lâpi a chhih khao va chi. Ano thi vyuhpa ta Krista ta a thikâ hapa chyhsa cha, parao khah y.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

1 KAWRINI 8:11

Chatanachata na unawhpa chiehleipa, ano vyuhpa ta Krista a thipa chyhsa cha, na pahnona ta a pahleipadia aw.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

1 SAMUELA 9:7

Sawla ta a chakaotuhpa hnohta, “Vawh ei sih la, cha chyhsa châta khâpa ma eima cheipa aw? Eima sahriazy liata viahchhâ hra cha y khao tlôh va, Khazohpa chyhsa châta kuhria eima cheipa awpa y vei. Eima hneipa a y rai ma?” tah ta.