EZEKIA 13:18 - Mara Bible RV (BSI)

¹⁸ Ama hnohta, ‘Abeipa Zehôvâh ta hetana heta a tah: Chyhsa zydua ku liata pachaopadâhna lâkyu a pakysatuhpa nata chyhsazy pa-ao nawpa ta chyhsa to châta luhkhunazy a taotuhpa chanôzy cha nôpopa ta y mawh ei sy. Ei phopi chyhsa hronazy pahlei aw ei chi ta ma, nâmo hrona deikua cha nama pabohsa aw?

EZEKIA 13:18 ပူးပေါင်းရင်းမြစ်များ

BIESOZY 6:26

Viahchhâ tlâ kha ta âzuahnô chalei theipa châ ta, Vahpa chhaopa chanô a châna a hro zachhihna deikua a pahlei aw.

ZEREMIAH 4:10

Chatawhcha kei ta, “Hy Abeipa Zehôvâh, he phopi nata Zerusale he dua thata na dôvei haw! ‘Thlalôhpa ta nama y aw,’ tah chi ta, châhrasala ama rao liata zaozi ta mopâpa ama châ ha he zaw,” tah na ta.

ZEREMIAH 6:14

Ei phopi hmah cha, Naosiata ta patlâh a chhuahpa ta; Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

EZEKIA 13:10

Thlalôhna a y leipa tlai ta, ‘Thlalôh â chhih na,’ tahpa ta, hrohsopazy ta ei phopi a chhi chhei ei ta, râhsawzy ta thokhy dadiehpa ama taopa cha hlyu râhpa hnia ei ta ama chhiehruh.

EZEKIA 13:16

Zerusale kyh hrohsona bie phuahpa ta, khihpi thlalôhna kyh aluahna a hmôpa Izarei hrohsopazy y khao veih ei,’ ei tah aw, Abeipa Zehôvâh ta a tah.

EZEKIA 13:20

“Chavâta Abeipa Zehôvâh ta hetana heta a tah: Moh teh u, pavaw paaopa hawhta chyhsa hrona pa-ao awpa ta, pachaopadâhna lâkyu bâh liata nama pakysapazy he ei dyuh. Nama bâhzy tawhta chhie pachhô aw na ta, chyhsa nama paaopazy pathlie aw ei na ta, pavaw hawhta ei pazawsa syulyu ha aw ei.

EZEKIA 13:21

Ei phopi luh nama khunazy hrie aw na ta, ei phopi cha nama ku tawhta pachha aw ei na ta, patupa hawhta nama ku liata y khao aw veih ei. Chatanachata Abeipa ei châ tahpa nama pahno aw.

EZEKIA 22:25

Râh beizy cha chakeibarôhneipa a rôh ta, sa tai ta, a hriechheihpa lyu ei ta, arulâta chyhsa teipa ta, chyhsa hronazy la ei ta, chyhsa ryubyhzy nata hmo sôhpazy lapa ei ta, râh liata nôhmei hluhpi ama paysa.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

2 TIMAWTHY 4:3

Chyhsazy ta pachuna dopa nathlie hoh leipa ta, ama nah â za hapa vâta, ama thei khohpa biezy a reih awpa pachutuhpazy deita ama hrua khohna daihti a vaw tlô aw.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.