EZEKIA 13:16 - Mara Bible RV (BSI)

¹⁶ Zerusale kyh hrohsona bie phuahpa ta, khihpi thlalôhna kyh aluahna a hmôpa Izarei hrohsopazy y khao veih ei,’ ei tah aw, Abeipa Zehôvâh ta a tah.

EZEKIA 13:16 ပူးပေါင်းရင်းမြစ်များ

ISAI 48:22

“Moleipazy châta thlalôhna rai y vei,” Abeipa ta a tah.

ZEREMIAH 28:1

Cha kô pyly liata, Zudâh bei Zedekia ryureina â thaona lâ, a kô palihna, thla pangawhna liata, Azu sawchapawpa Kibiô chyhsa hroh­sopa Hânaniah ta theihthaipazy nata zawpi zy­dua mohmô ta Abeipa Achhyna o liata bie na chho ta,

ZEREMIAH 29:31

“Seichâna liata â tâhpa zydua lâ chyhsa tuah la, ama hnohta, ‘Nehelâ chyhsa Semiah kyh liata Abeipa ta hetana heta a tah: Kei ta ei tua leipa pi tlai ta, Semiah ta nama hnohta hrohsona bie phuah ta, haipa bie a cha pazosa ei.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 6:14

Ei phopi hmah cha, Naosiata ta patlâh a chhuahpa ta; Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

ZEREMIAH 8:11

Ei phopi hmah cha, Naosiata ta patlâh a chhuahpa ta, Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

EZEKIA 13:10

Thlalôhna a y leipa tlai ta, ‘Thlalôh â chhih na,’ tahpa ta, hrohsopazy ta ei phopi a chhi chhei ei ta, râhsawzy ta thokhy dadiehpa ama taopa cha hlyu râhpa hnia ei ta ama chhiehruh.

EZEKIA 13:15

Cha hawhna chata thokhy chô liata nata hlyu râhpa a hniatuhpazy chô liata ei pathiiana patlôsa na ta, nama hnohta, ‘Thokhy y khao leipa ta, hlyu râhpa a hniatuhpazy chhao y khao hra leipa ei ta,

EZEKIA 7:25

Nôpona a vaw tlô tita, thlalôhna tlua aw ei ta, châhrasala hmô aw veih ei.