EZEKIA 13:15 - Mara Bible RV (BSI)

¹⁵ Cha hawhna chata thokhy chô liata nata hlyu râhpa a hniatuhpazy chô liata ei pathiiana patlôsa na ta, nama hnohta, ‘Thokhy y khao leipa ta, hlyu râhpa a hniatuhpazy chhao y khao hra leipa ei ta,

EZEKIA 13:15 ပူးပေါင်းရင်းမြစ်များ

NEHEMIAH 4:3

A kiapâh liata Amawna chyhsa Tôbia y ta, ano ta, “Khâpa thokhy cha ma zua ama padua thei hra bao aw tly? Changie ta hmah kiah sala, alô thokhy ama taopa cha a pacho thlâh bao aw na,” tah ta.

ZAWBÂ 13:4

Nâmo deikua cha, Nama bie liata haipa rôh hnia thlu ei chi ta; Nama zydua ta, Hmâ tlâh leipa dawhtyzy nama châ.

HLAZY 62:3

Thokhy a sia haipa nata diahpai a pao haipa hawhpa chyhsa tlai he, Khati taih ma tei aw ei chi ta, Nama zydua ta namâ dyuh aw?

PUASAINA 2:3

Châhrasala nyu ngâ thlâh ha thei khao leipa ta. A nô ta maitanô balyh tao ta, beihlei nata tho chathli ta byh cha pachawh khâh ta, a chhôh liata hawti cha pazia ta, chavah kiah liata râbuhzy hry liata soh ta.

ISAI 30:13

Cha moleina cha, Nama châta thokhy a sâhpa liata a pyupa hawhta châ aw ta, A kei laih lymâpa hawhta a châ aw; Eikhapi ta pao ta, Movi hlâta a pao hapa hawhta a châ aw.

ZEREMIAH 14:15

Chavâta ei tuapa châ tlôh leipa ta ei moh ta hrohsona bie phuah ei ta, ‘He râh liata zaozi nata chakâhna vaw tlô aw vei,’ a tahtuhpa hrohsopazy kyh liata Abeipa ta hetana heta a tah: Cha hrohsopazy cha zaozi nata chakâhna ta ama leidia aw.

EZEKIA 13:14

Chatanachata hlyu râhpa nama hniapa thokhy cha pacho aw na ta, a lei taihta cho aw ta, â bôna chhao taih â lâ khai aw. Thokhy a cho tita, nâmo chhao khihpi chhôh liata pahleipadiapa châ aw ei chi ta, Abeipa ei châ tahpa nama pahno aw.

EZEKIA 13:16

Zerusale kyh hrohsona bie phuahpa ta, khihpi thlalôhna kyh aluahna a hmôpa Izarei hrohsopazy y khao veih ei,’ ei tah aw, Abeipa Zehôvâh ta a tah.