EZEKIA 13:13 - Mara Bible RV (BSI)

¹³ “Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

EZEKIA 13:13 ပူးပေါင်းရင်းမြစ်များ

ZAWBÂ 38:22

“Dâhaw sopakhyna liata nâ ngia beih ma? Pareih sopakhyna su na hmô beih ma?

ZAWBÂ 38:23

Chazy cha nôpona daihti châta ei khaipa châ ta, Chariah adyuhna noh châta ei khaipa a châ.

HLAZY 105:32

Ama râh liata vâsua vyuhpa ta pareih patlasa ta, Râh zydua liata mei pachiezy a patlasa.

HLAZY 107:25

Abeipa ta biepie ta thlihpipa pathlisa ta, Tichatlaopazy a pasâhsa tyh.

HLAZY 148:8

Mei nata pareih, dâhaw nata ameih zy saih u, Abeipa cha reithai u la; A bie a zyhpa thlihpizy saih u, Abeipa cha reithai teh u!

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ZEREMIAH 23:19

Moh teh u, Abeipa thlihpipa huh! Pathiiana pua ta, Khisô chothyu pua ha ta, Moleipazy luh a chanaoh aw.

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

CHAPHÔHTUNA 2:3

Hiehâhna rupa ta Izarei ki zydua chhawh pachhô ta; Chariah hmia liata, Âmo tawhta a ku chachâh lâ â dao haw; Meipaleih hawhta Zakaw pathlazy hry liata kâ ta, A chheipâh zydua a kâ khai haw.

CHAPHÔHTUNA 2:4

Chariahpa hawhta a libaw a kei ta, Khakhaipa hawhta a ku chachâh lâ â pachyh haw; Zaio sawchanô poh o liata, Eima modypa zydua a thie khai haw; A hiehâhna cha, Mei hawhta a lei thlu haw.

EZEKIA 1:4

Moh na ta, maw lâ tawhta thlihpipa a vaw pathlipa nata meihdo chhakaluhpa hmô na ta. Meihdo tawhta dôhla mei â zaopa ta vaw pua ta, meihdo cha khaihna ta chadô ta. Mei liah liata thua patliepa a lyupa y ta.

EZEKIA 13:12

Thokhy a cho tita, ‘Hlyu râhpa nama hnia thlupa thokhy kha khataih liata a y haw?’ ama cha tah aw.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

ZAWNA 1:4

Châhrasala Abeipa ta thlihpipa ru ngaitapa tilaipi chô liata vaw tuah ta, chatanachata chothyu ru ngaitapa tilaipi liata vaw pathli ta, balyh cha rao daihmâ ta.

HÂKAI 2:17

Nama ku raihria zydua cha alôpa, hmyna nata pareih zy hmâpa ta cha paraopa ei na ta, chatanachôta kei lâ vaw kua hlei veih ei chi,” Abeipa ta a tah.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 16:21

Chatawhcha pareih lai ngaitapa, talent miakha hlei a hripazy chyhsa chô liata za tla ta. Potlana cha a rarôh y ngaitapa vâta, pareih potlana vâta Khazohpa chô liata chhiesa ei ta.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.