EZEKIA 12:3 - Mara Bible RV (BSI)

³ Nâ deikua cha, chyhsa sawchapawpa y, seichâna lâ a sie awpa hawhta na hmo a chhuah la, ama mohmô lia tlai ta, nohchhô sawhvaw ta seichâna lâ sie mah y. Seichâna lâ a sie awpa hawhta, ama mohmô lia tlai ta, na yna su tawhta su hro lâ na sie aw. Saw chhorupazy châ hra ei sala, cha dâhdei chhâ cha ama pahno thai ngyu aw lah.

EZEKIA 12:3 ပူးပေါင်းရင်းမြစ်များ

HLAZY 81:13

Aw, ei phopi ta ei bie nathliepa ta, Izarei ta ei lâpizy a vaw chhih ha mawh sala cha,

ZEREMIAH 10:17

Hy nâmo, ama dôh hapazy saih u, Râh tawhta a râ awpa ta, Nama hmozy pahmaoh teh u.

ZEREMIAH 26:3

Nathlie aw ei ta, chyhsa to ama hrozie pha leipa ama siesai thei ngyu aw lah. Chatanachata ama hmotaopa pha leipazy vâta ama chô liata chhiena tao ei chhuahpa cha ei pathleih aw.

ZEREMIAH 27:2

Abeipa ta ei hnohta hetana heta a tah: “Raopaky nata a rizy tao la, na rao liata a ky la,

ZEREMIAH 36:3

Chatanachata Zudâh pathlazy ta ama chô liata chhiena patlôsa ei chhuahpa zydua pahno aw ei ta, chyhsa to ama hrozie chhiepa tawhta amâ palie thei ngyu aw lah. Chatanachata ama paraona nata ama moleinazy cha ei ngiahthai aw ei,” tah ta.

ZEREMIAH 36:7

Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

ZEREMIAH 7:26

Châhrasala na nathlie khoh leipa ei ta, ama nah pachôh hra leipa ei ta, ama kuh tlao amâ pachhasa. Âmo a pathlatuhpazy hlâ chhao ta ama paru via.

EZEKIA 12:7

Bie eina piepa hawhta tao na ta. Ei hmo cha seichâna lâ a sie awpa hmo hawhta, nohchhô sawhvaw ta puakhei na ta, zâlâ ta keima ku tlai ta thokhy khaoh khie na ta, ei hmo cha ei ngiatlâh liata khaipa ta, ama mohmô lia tlai ta a zoh chhyhma ta ei puakhei.

EZEKIA 3:26

Na reih pathlie thei leipa ta, âmo na chhorei thei lei nawpa ei ta, na paleih na dâh liata ei pabaisa ha aw. Saw chhorupazy ama châ.

EZEKIA 3:27

Na hnohta bie ei rei tita deikua cha, na pakah pahy aw na ta, ama hnohta, ‘Abeipa Zehôvâh ta hetana heta a tah,’ na tah aw. A thei khohpa ta thei aw ta, a thei khoh leipa cha thei leipa ta a y aw. Saw chhorupazy ama châ.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

EZEKIA 43:11

Ama hmotaopa zydua vâta nozapa ta ama y khiahta cha, Achhyna o sanazie awpazy âmo pahnosa la, a opi yzie, puana nata angiana taozie nata a o pizie zydua pahnosa mah y. Achhyna o ryhpa nata bieraopa zydua zyhpa ta ama tao lymâ thei nawpa ta, Achhyna o bieraopazy nata a ryhpazy pahnosa la, ama mohmô lia tlai ta roh mah y.

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 20:13

Chatawhcha kre sadô hneituhpa ta, ‘Kheihta ma ei tao aw tly? Ei sawchapawpa kho ngaitapa he ei tuah thlâh ha tua aw. Ano chhâ he la ama vaw za via ngyu na,’ tah ta.

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

2 TIMAWTHY 2:25

Khazohpa ta ano a dyuhtuhpazy chhao parosa thei ta, biehmeiseihpa pahnona lâ â chhi thei ei tahpa a ngiapâpa ta, Abeipa chakaotuhpa cha nônai kawpa ta taopathina rai a hria awpa a châ.