EZEKIA 12:23 - Mara Bible RV (BSI)

²³ Chavâta ama hnohta chho la, ‘Abeipa Zehôvâh ta hetana heta a tah: He bieso he pachhâsa aw na ta, Izarei râh liata bieso ta hmâh khao aw veih ei.’ Châhrasala ama hnohta reih la, ‘Aluahna bie to â dopa ta a tlôpaki nawpa noh â hnia haw,’ tah mah y.

EZEKIA 12:23 ပူးပေါင်းရင်းမြစ်များ

HLAZY 37:13

Châhrasala a chhâna noh a vaw tlô haipa a hmôpa vâta, Abeipa ta moleipa cha a pahneisao tyh.

ISAI 28:22

Chavâta chyhsa pahneisao khao khuh vy, Chataleipatala nama bâliazy pa-ipa a châ pathlei aw na; Pheisaihzy Abeipa Zehôvâh tawhta, Râh pôhpalôhpa parao nawpa biepiepa ei thei haw.

EZEKIA 12:25

Kei he Abeipa châ na ta, ei bie rei awpa cha reih aw na ta, taopa a châ aw. Hy saw chhorupazy saih u, hawh khao leipa aw na ta, nama hro chhôh tlai ta bie reih aw na ta, ei tao aw, Abeipa Zehôvâh ta a tah,” tah ta.

EZEKIA 16:44

“Pachâ teh, bieso a hmâhpa maihta, ‘Sawchanô cha a nô a lyu,’ tahpa bieso he nâma kyh reina châta ama hmâh tyh bâ aw.

EZEKIA 18:3

Ei hrona reipa ta ei reih. He bieso he Izarei râh liata reih khao aw veih ei chi, Abeipa Zehôvâh ta a tah.

EZEKIA 7:2

“Hy chyhsa sawchapawpa y, Abeipa Zehôvâh ta Izarei râh hnohta hetana heta a tah: Chhâna! Râh ki palihzy liata chhâna a vaw tlô hai.

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

ZEPHANIA 1:14

Abeipa noh rônahpa cha â hnia haw, A hnia ha ta, a vaw tlô daihmâ. Abeipa noh pyu rarôh yzie awpa cha, Pasaipha hmahta thata a sâh aw.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 24:34

Hmeiseihta ta ei cha chho ei, cha zydua a tlô paki khai hlâlei cha, he chhâ he lei aw vei.