EZEKIA 11:5 - Mara Bible RV (BSI)

⁵ Abeipa Thlahpa cha ei chô liata vaw tlô ta, ei hnoh ta, “Reih mah y, Abeipa ta hetana heta a tah: Hy Izarei pathlazy saih u, cha hawhpa hmozy a pachâpa nama châ. Nama palôh liata hmo a ypazy ei pahno khai.

EZEKIA 11:5 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

HLAZY 50:21

Cha hmozy cha tao chi ta, Châhrasala a chalih thlâh ha na ta, Nâma hawhpa khiah ma ei châ eina tah chi. Châhrasala tahmâ cha, cha ra aw na ta, Hmiadaisâ ta ei cha leih bâ aw.

HLAZY 7:9

Hy Khazoh siapa, Hmoparaopazy moleina pachhâsa la, Mosiapazy padua mah y; Nâ cha pachâna nata palôhzy pasiatuhpa châ tlôh chi ta.

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ZEREMIAH 11:20

Châhrasala, Hy Pheisaihzy Abeipa, Siana ta pachia chi ta, Palôh nata pachâna a pasiatuhpa y, Ei thâtih cha nâ ei cha pavaosa hapa vâta, Ama chô liata phuh na lapa na pahmôsa mah y.

ZEREMIAH 16:17

Ama hrozie zydua ei hmô khai. Kei tawhta a nyu thei leipa ei ta, ama paraona chhao ei mo tawhta a nyu thei vei.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

EZEKIA 2:2

Ei hnohta bie a rei hai nota, Thlahpa ei chhôh liata a ngia ta, ei phei ta na paduasa ta, ei hnohta bie a reipazy cha ei thei.

EZEKIA 2:7

Saw chhorupazy châ ei ta, ama nathlie tlyma, nathlie vei tlyma, ei biezy he ama hnohta na rei awpa a châ.

EZEKIA 20:32

“Nama palôh liata, ‘Phopizy hawhta y sih la, râhzy liata chiphozy hawhta y hrapa ta, tho nata lô zy a chhy ei suh u,’ nama tah. Nama pachâpa hawhta vaw y beih aw vei.

EZEKIA 28:2

“Chyhsa sawchapawpa y, Tyre bei hnohta reih teh, Abeipa Zehôvâh ta hetana heta a tah: “Na palôh lai ta, ‘Khazoh châ na ta, Tilaipizy liah liata, Khazohzy dyuchhai liata ei tyuh,’ tah chi ta, Châhrasala chyhsapa dei na châ; Khazoh palôh hawhta na palôh tao hra la, Khazohpa châ va chi.

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

EZEKIA 3:11

Seichâna liata a ypa na phopi sawzy lâ sie la, ama nathlie tlyma, nathlie vei tlyma, ama hnohta, ‘Abeipa Zehôvâh ta hetana heta a tah,’ tahpa ta âmo cha kei chho mah y,” tah ta.

EZEKIA 3:24

Châhrasala Thlahpa ei chhôh liata a vaw ngia ta, ei phei ta na paduasa ta, ei hnohta, “Sie la, na o liata a kei khawhlôh teh.

EZEKIA 3:27

Na hnohta bie ei rei tita deikua cha, na pakah pahy aw na ta, ama hnohta, ‘Abeipa Zehôvâh ta hetana heta a tah,’ na tah aw. A thei khohpa ta thei aw ta, a thei khoh leipa cha thei leipa ta a y aw. Saw chhorupazy ama châ.

EZEKIA 8:1

Kô charuna, thla charuna, noh pangawhna noh liata, ei o liata ei tyu thlâh ha nota, Abeipa Zehôvâh ku cha ei chô liata vaw y ta. Zudâh machâzy chhao ei hmiakô liata a tyuh ei ta.

MÂKA 2:8

Cha hawhta ama palôh liata ama pachâpa cha Zisu ta a thlahpa ta thlai pahno ta, ama hnohta, “Cha bie cha khazia nama palôh liata nama pachâ?

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

HMOTAOPAZY 10:44

Pity ta cha biezy cha a rei hai nota, bie a theituhpa zydua chô liata Thlahpa Pathaihpa vaw tlô ta.

HMOTAOPAZY 11:15

Bie cha reih pathao na ta, Thlahpa Pathaihpa eima chô liata a vaw tlô tua no hawhna khata, âmo chô lia chhao ta vaw tlô ta.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

ZÂMIE 3:6

Paleih he mei châ ta, moleina khizaw a châ. Eima pôhpa pachiahpazy hry liata mei tlu ta chichhihpa châ ta, moleina tao awpa ta thatlô ngaitapa a châ. Paleih chata pôhpa zydua papuapalei ta, hro chhôh khihsatôhtuna zydua mei ta pakâ ta, hriena su mei tipo lâ a chhituhpa a châ.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

1 SAMUELA 10:10

Tlâh ama tlô nahta, moh teh u, hrohsopazy py ta ano cha a vaw tyh ei ta, Abeipa thlahpa cha a chô liata thatlô ngaitapa ta vaw tlô ta, hrohsopazy hry liata a hlaopa ta hrohsona bie phuah lymâ hra ta.

1 SAMUELA 10:6

Nâma chô liata chhao Abeipa thlahpa cha thatlô ngaitapa ta vaw tlô aw ta, nâ chhao ama hry liata a hlaopa ta hrohsona bie phuah hra aw chi ta, chyhsa nanopa lâta pananopa na vaw châ ha aw.