EZEKIA 11:16 - Mara Bible RV (BSI)

¹⁶ Chavâta ama hnohta, ‘Abeipa Zehôvâh ta hetana heta a tah: Lâhlapi phopizy lâta papaipa ta, râhzy liata ei hiepatla hapa chhao ei ta, ama siena râhzy liata bohpi leipa ama y chhôh ta, âmo châta supathaihpa ei châpa pyly aw ei,’ tahpa ta reih mah y.

EZEKIA 11:16 ပူးပေါင်းရင်းမြစ်များ

HLAZY 31:20

Chyhsazy teina tawhta amâ boh thei nawpa ta, Âmo cha na yna liata nyu chi ta; Bie ei chahrapazy paleih tawhta amâ boh thei nawpa ta, Na byureih liata na nyu ei.

HLAZY 44:11

Thie awpa mietaku hawhta miah tao chi ta, Phopizy hry liata miah na hiepatla haw.

HLAZY 90:1

Abeipa, nâ cha chhâ zydua ta, Eima pahrâna na châ.

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 4:5

Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,

ISAI 8:14

Ano cha supathaihpa châ aw ta, Izarei phopi mianopazy châta deikua cha, Moleina lô châ aw ta, Achapiana lôpanô a châ aw. Zerusale khihsawzy châta chhao, Aphyh nata khoheih a châ aw.

ZEREMIAH 26:11

Theihthaipazy nata hrohsopazy ta beimachâzy nata zawpi zydua hnohta, “Nama nah cheingei ta nama theipa hawhta, he chyhsa heta he khihpi rao nawpa kyh hrohsona bie phuah ta, chavâta thi awpa ta a thâtih pachia tlâh a châ,” tah ei ta.

ZEREMIAH 26:7

Zeremiah ta Abeipa o liata cha bie a reipazy cha theihthaipazy, hrohsopazy nata zawpi zydua ta thei ei ta.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 29:7

Sei ta ei cha tuana ei khihpi pha nawpa tlua u la, cha khihpi phana cha nâmo phana a châ awpa vâta, khihpi châna chata Abeipa lâ thlahchhâ muh vy.

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

ZEREMIAH 31:10

“Hy phopizy saih u, Abeipa bie thei u la, Tilaipi kiah râh hlapazy liata phuah teh u; ‘Izarei a papaituhpa ta, Izarei cha pakhy heih aw ta; Mietaku vaituhpa ta a mietaku zaw a vaipa hawhta, Izarei cha a vaih heih aw,’ tah teh u.

ZEREMIAH 42:11

Babylaw bei nama chi kawpa he chi khuh vy. A ku tawhta cha pachha awpa nata cha papua awpa ei ta, ei cha ypâ thlâh ha ei mâh tâh. Chavâta ano cha chi khuh vy, Abeipa ta a tah.

EZEKIA 20:23

Cha dei châ vei, phopizy hry liata hiepatla awpa nata râhzy lâta papai awpa ta, râhchawhpa liana khata chyhu sapa ei na ta.

THEIHTHAINA 26:44

Chatahrasala ama chariahpazy râh liata ama y no chhao ta, âmo pahleipadia awpa nata ama hnohta ei biehrai parao awpa ta, âmo cha thy leipa aw ei na ta, a hao hra aw veih ei na, kei he Abeipa ama Khazohpa châ tlôh na ta.

ZEKARIA 2:6

“Pua teh u! Pua teh u! Avâ thlih miapalih hawhta cha vaw hiepatla ha hra ei sah la, maw lâ râh tawhna khata a râ syulyu ha teh u,” Abeipa ta a tah.

RYHPACHANEINA 4:27

Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.