EZEKIA 11:12 - Mara Bible RV (BSI)

¹² Abeipa ei châ tahpa nama pahno aw. Ei bieraopazy a chhih leipa ei chi ta, ei ryhpazy a chhi hra veih ei chi. Nama chheipâh liata phopizy ryhpa hawhta tlao nama y haw,” tah ta.

EZEKIA 11:12 ပူးပေါင်းရင်းမြစ်များ

1 ABEIZY 11:33

Kei na tleisaipa ta, Sidaw mo khazohnô Astarô nata Môabâ mo khazoh Khemô nata Amawna mo khazoh Mikô zy a chhy ei ta, a paw Dâvi taopa hawhta ei lâpizy a chhih leipa ta, ei mohmô liata hmo dopa tao leipa ta, ei bieraopazy nata ei ryureinazy a zyh leipa vâta, cha cha ei tao aw.

2 ABEIZY 16:3

Izarei beizy lâpi tlao a chhih hra ta. Abeipa ta Izarei sawzy hmiakô liata a papua hapa phopizy ta hmo pasichhih ngaitapa ama tao tyhpazy tao hrapa ta, a sawchapawpa cha raopa hlâna ta hlâ ta.

2 ABEIZY 18:12

Cha hawhta ama yna chhâpa cha, Izarei sawzy ta Abeipa ama Khazohpa bie zyh khoh leipa ei ta, a biehrai nata Abeipa chakaotuhpa Mawsi biepiepazy nathlie khoh leipa ei ta, ama zyh khoh leipa vâta a châ.

2 ABEIZY 21:2

Abeipa ta Izarei sawzy hmiakô liata a papua hapa phopizy ta hmo pasichhihpa ama tao tyhpa hawhta, Abeipa mohmô liata hmo pha leipa tao ta.

2 ABEIZY 21:22

Abeipa, a pathlatuhpazy Khazohpa cha siesai ta, Abeipa lâpi a chhih vei.

2 ABEIZY 21:9

Châhrasala nathlie khoh leipa ei ta, Abeipa ta Izarei sawzy hmiakô liata a pahleipadia hapa phopizy taopa hlâ chhao ta ru viapa ta hmo parao awpa ta, Manase ta âmo cha a siekheichhei haw.

2 THÂTIHZYRONA 13:9

Arawna pathla Abeipa theihthaipazy nata Livai pathlazy papuapa ta, râh hropazy liata phopizy taozie hawhta theihthaipazy namâ taopa châ vei ma? Viahchao tôh dawpa pô kha tlyma, mietaku tôhpa pô sari tlyma a vaw cheihpa maih cha, Khazoh hmeiseihpa a châ leipa khazohzy theihthaipa ta nama tao lymâ.

2 THÂTIHZYRONA 28:3

Hinô Sawchapawpa Saikao liata atheihnazy hlâ ta, Abeipa ta Izarei phopi hmiakô liata a papua hapa phopizy ta pasichhihpa ama taopazy tao hra ta, a sawchapawzy mei ta raopa ta atheihna ta hlâ ta.

2 THÂTIHZYRONA 36:14

Theihthai laipazy nata zawpizy chhao ta, ngâchhihna rai hnei khao leipa ei ta, phopi hropazy hmotaopa pasichhihpazy tao hra ei ta, Abeipa ta Zerusale liata a pathaisapa Abeipa o taih chhao ama papuapalei.

EZRÂ 9:7

Miah pathlatuhpazy daihti tawhta tanoh taihta thata thailei a châpa eima châ. Eima paraonazy vâta, keimo nata eima beizy nata eima theihthaipazy cha, râh hropa beizy ku liata nata zaozi ta thie awpa ta hlâpa châ pi ta, seichâna lâta a chhi awpa nata hrao awpa ta hlâpa eima châ. Tanoh taihta noza hmiachhiepa ta eima y.

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

NEHEMIAH 9:34

Eima beizy, eima beimachâzy, eima theihthaipazy nata miah pathlatuhpazy ta na ryhpa zyh leipa ei ta, na biepiepazy nata zikyurâna bie na piepazy thei khoh veih ei.

HLAZY 78:10

Khazohpa biehrai zyh leipa ei ta, A ryhpa lâpi a chhih veih ei.

ZEREMIAH 10:2

Abeipa ta hetana heta a tah: “Râh hropazy hrozie a chu leipa u la, Avâ liata ngiana vâta râhzy thlazohpa ta ama y nota, Nâmo la thlazohpa ta y hra khuh vy.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

EZEKIA 11:21

Hmo puapazy nata pasichhihpazy lâta ama palôh a siepazy deikua cha, ama hmotaopazy cha âmo luh chô liata ei patlôsa aw, Abeipa Zehôvâh ta a tah.”

EZEKIA 18:8

a pôhna hneipa ta a sôh dyu pacheisa leipa ta, â thôhna la hra leipa ta, adoleina tao lei awpa ta a ku pako ha sala, pachiana dopa ta chyhsa nata chyhsa likah pachia sala,

EZEKIA 18:9

ei bieraopazy a chhihpa ta, ei ryhpazy ngâchhihpa ta a zyh lymâ khiahta cha, chyhsa siapa châ ta, a hroh tlai aw, Abeipa Zehôvâh ta a tah.

EZEKIA 20:16

Ama khazoh nothlahpazy lâta ama palôh siepa ta, ei ryhpazy thy ei ta, ei bieraopazy a chhih leipa ei ta, ei Pahânohzy ama papuapaleipa vâta, chyhu ei sa thlupa ei a châ.

EZEKIA 20:21

Châhrasala ama pathlazy ta nâ dyuh ei ta, chyhsapa ta zyh sala a hro nawpa ta ei piepa ei bieraopazy a chhih leipa ei ta, ei ryhpazy zyh hra leipa ei ta, ei Pahânohzy ama papuapalei. Chavâta râhchawhpa liana khata ei pathiiana lei thlupa ta, ei hiehâhna cha âmo chô liata papai thlu awpa a chhuah na ta.

EZEKIA 20:24

Ei ryhpazy zyh leipa ei ta, ei bieraopazy thypa ta, ei Pahânohzy papuapalei ei ta, âmo pathlatuhpazy khazoh nothlahpazy lâ ama mo ama padeipa vâta, chyhu ei sa thlupa ei a châ.

EZEKIA 5:6

Chatanachôta ei ryhpazy a dyuhpa ta, phopi hropazy hlâta thata molei via ta; ei bieraopazy a dyuhpa ta, a chheipâh râhzy hlâta a molei via haw. Ei ryhpazy dytha ei ta, ei bieraopazy a chhih veih ei.

EZEKIA 8:10

Chatanachata a ngia na ta, hmô na ta. Alyhpasa to nothlahpazy, sahrâhpa pasichhihpa nothlahpazy nata Izarei pathlazy khazoh nothlahpa zydua cha, thokhy pâhchhô a chheipa ta khiepa châ ta.

EZEKIA 8:14

Chatawhcha Abeipa o maw thokhy chhikao angiana lâ nâ chhi ta, cha liata chanôzy cha Tâmu chakheipa ta a tyuh ei ta.

EZEKIA 8:16

Chatawhcha Abeipa o chhôh tlyhmia lâ nâ chhi ta. Abeipa Achhyna o lâ angiana, aikah nata maisâh likawh liata, chyhsa pakih nata papangawh rachhôh â tyuhpa hmô ei na ta. Abeipa Achhyna o hnôhchhypa ta a tyuh ei ta, nochhi lâ hmiachhypa ta, nochhi lâ tawhta noh a kaw chhipa cha a chhy ei ta.

DÂNIAH 9:10

a ryhpa eimâ chhih thei nawpa ta, ano a chakaotuhpa hrohsopazy hmâpa ta a bie reipa Abeipa eima Khazohpa ao nathlie vei hra sih la.

THEIHTHAINA 18:3

Nama vaw pahrâna Izi râh liata ama taozie hawhna khata nama tao awpa châ leipa ta, ei cha tlôkhei awpa su Kâna râh liata ama taozie hawhta nama tao awpa châ hra vei. Ama bieraopazy nama zyh awpa châ vei.

THEIHTHAINA 26:40

“Châhrasala ei chô liata ama paraona nata ama pathlatuhpazy paraonazy a phuahpa ta, ei kho leizie ta ama ypazy a phuah ei sala,