EZEKIA 11:1 - Mara Bible RV (BSI)

¹ Chatawhcha Thlahpa ta na chalo ta, nochhi lâ a heihpa Abeipa o chhikao lâ nâ chhi ta. Chhikao angiana kiapâh liata chyhsa pakih nata papangawh hmô ei na ta, ama hry liata phopi beimachâzy, Azu sawchapawpa Zazeniah nata Benai sawchapawpa Pelatiah zy chhao hmô ei na ta.

EZEKIA 11:1 ပူးပေါင်းရင်းမြစ်များ

1 ABEIZY 18:12

Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

2 ABEIZY 2:16

A hnohta, “Tahmâ pachâ teh, châ chakaotuhpazy hnohna heta chyhsa thatlôpa sypangawh ama y. Na zibeipa tlua awpa ta âmo cha pasiesa ei suh u. Abeipa Thlahpa ta khykhei aw ta, khataih tlâh liata tlyma, khataih saikao liata tlyma, a pathla thei ngyu mâh tâh,” tah ei ta. Elaisâh ta, “Nama pasiesa awpa châ vei,” tah ta.

2 ABEIZY 25:23

Babylaw bei ta Kedaliah cha râhvaotuhpa ta a tao tahpa pheisaih hyutuhpa zydua nata ama sahlaozy ta ama thei nahta, Mizpâ khihpi liata Kedaliah lâ sie ei ta. Chazy cha Nethaniah sawchapawpa Ismela, Karia sawchapawpa Zôhanâ, Netôpha chyhsa Tahume sawchapawpa Seriah nata Mâkâ pathla sawchapawpa Zazeniah zy ama châ.

ISAI 1:10

“Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

EZEKIA 10:19

Cherubizy cha ama mathlawzy pakai ei ta, ei mohmô lia tlai ta alei tawhta a zawpa ta pua ha ei ta. Tiakizy cha ama kiapâh liata y laih lymâ ei ta. Cherubizy cha Abeipa o lâ angiana nochhi thokhy chhikao kiapâh liata a duah ei ta, Izarei Khazohpa rônahna cha ama chô liata y ta.

EZEKIA 10:22

Ama hmia alânazie cha, Khebâ chavah kiah liata ei hmôpa hmiazy hawhna khata châ ta, ama hmia palihpazy hry liata kheihawhpa hmia aheina lâ maih ama sie thei.

EZEKIA 11:13

Hrohsona bie ei phuah hai nota, Benai sawchapawpa Pelatiah cha thi ha ta. Â khu lâta paopa ta, ao paro ngaitapa ta awh na ta, “Âh, Abeipa Zehôvah! Izarei laibâhpa cha na pamua dâhdei aw ma?” tah na ta.

EZEKIA 11:24

Kei cha Thlahpa ta na chalo ta, Kha­zohpa Thlahpa ta aluahna ta Kaldia râh seichâna liata a ypazy lâ nâ chhi ta. Chatawhcha aluahna ei hmôpa cha na kiasai ha ta.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 3:12

Chatawhcha Thlahpa ta na chalo ta, ei hnôh lâ tawhta losihpa ru ngaitapa pyu thei na ta, “Abeipa rônahna cha a pahrâna su tawhta reithaipa ta y mawh sy!” tahpa ta ao vaw pua ta.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

EZEKIA 37:1

Abeipa ku ei chô liata y ta, Abeipa Thlahpa ta nâ chhi ta, saikao liah liata na soh ta. Cha saikao cha ru ta bie thlâh ha ta.

EZEKIA 40:6

Chatawhcha nochhi lâ a heihpa chhikao lâ vawh ta, kahmi kiah ta, chhikao châkeih thlie ta, chôchahrei do kha a kawh.

EZEKIA 41:1

Chatawhcha chyhsa chata Achhyna opi lâ nâ chhi ta, a pâhchhô chatipazy thlie ta, a kâ chavei chachâh ta dy charu chha ta, cha cha byureih hâ a châ.

EZEKIA 8:16

Chatawhcha Abeipa o chhôh tlyhmia lâ nâ chhi ta. Abeipa Achhyna o lâ angiana, aikah nata maisâh likawh liata, chyhsa pakih nata papangawh rachhôh â tyuhpa hmô ei na ta. Abeipa Achhyna o hnôhchhypa ta a tyuh ei ta, nochhi lâ hmiachhypa ta, nochhi lâ tawhta noh a kaw chhipa cha a chhy ei ta.

EZEKIA 8:3

A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.

HÔSIA 5:10

Zudâh chhituhpazy cha, Râhri a pasie thaipazy hawh châ ei ta; Ei pathiiana cha ama chô liata Ti hawhta ei lei thlu aw ei.

HMOTAOPAZY 8:39

Ti tawhta ama kaw pua nahta, Abeipa Thlahpa ta Phili cha a chhi ha ta, hrilyupa ta ano cha hmô khao leipa ta, thapha ngaitapa ta sie ha ta.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,