EZEKIA 10:6 - Mara Bible RV (BSI)

⁶ Pala rih dipa chysia a tobipa hnohta, “Cherubizy likawh liata tiaki a pahieh ngâpazy tawhta mei kei la teh,” tahpa ta bie a pie no kha, a kei ngia ta, tiaki kiapâh liata a duah ta.

EZEKIA 10:6 ပူးပေါင်းရင်းမြစ်များ

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

EZEKIA 10:2

Abeipa ta pala rih dipa chysia a tobipa hnohna khata, “Cherubizy ry liata tiaki a pahieh ngâpazy likawh liata a kei ngia la, cherubizy likawh ta meihei iapa hao na ku kârano biepa ta kei phâ la, khihpi chô liata hiezâh mah y,” tah ta. Ei mohmô lia tlai ta a ngia ha ta.

EZEKIA 10:5

Cherubizy mathlaw pyu cha, khôtho lâta dôhpachhôh tlyhmia tawh chhao ta thei theipa a châ. Khazohpa Atotaotheipa ta bie a rei nota a ao nata â lyu.

EZEKIA 10:7

Cherubi pakha ta cherubizy likawh tawhta a ku vaw pazawh ta, cherubizy likawh ta mei a ypa cha kei paza ta. Thokha la ta, pala rih dipa chysia a tobipa ku liata soh ta, ano ta la ta, pua ha ta.

DÂNIAH 7:9

“Ei moh thlâh ha nota, Beidyuchhaizy vaw patyu ei ta, Hlôthlâhpa cha a dyuchhai liata a vaw tyuh ta; A chysia dâhaw hawhta ngyuh ta, A luh sâ chhao sahmi naipa hawhta a châ. A beidyuchhai cha meipaleih châ ta, A tiakizy chhao mei kâ ngâpa a châ.