EZEKIA 1:3 - Mara Bible RV (BSI)

³ Kaldia râh Khebâ chavah kiah liata a ypa Buzi sawchapawpa theihthaipa Ezekia hnohta Abeipa bie vaw tlô ta, Abeipa ku a chô liata y ta.

EZEKIA 1:3 ပူးပေါင်းရင်းမြစ်များ

1 ABEIZY 18:46

Abeipa ku cha Elaizâh chô liata y ta, a viahkao pasipa cha a chaisaih liata hnaoh ta, Ahabâ hmia lâta Zezari khih angiana taihta a râ lymâ ta.

2 ABEIZY 3:15

Tahmâ he totâ a tô thaipa na awpa teh u,” tah ta. Totâ a tô thaipa ta a tô nahta, Abeipa ku Elaisâh chô liata vaw tlô ta.

HLAZY 137:1

Babylaw chavah kiahzy liata, Cha liata a tyuh pi ta eima cha tyh, Zaio eimâ thei châh ta.

ZEREMIAH 1:2

Amawna sawchapawpa Zudâh bei Zôsia daihti, â beina kô hrawh hleithôhna liata, Zeremiah hnohta Abeipa bie a vaw tlôpa a châ.

ZEREMIAH 1:4

Abeipa bie cha ei hnohta vaw tlô ta,

ZEREMIAH 29:15

“‘Abeipa ta Babylaw râh liata chhao hrohsopazy miah a paduapa na,’ nama tahpa vâta,

EZEKIA 1:1

Kô sythôhna, thla palihna, noh pangawhna noh liata, seichâna lâ a siepazy hry liata Khebâ chavah kiah liata ei y thlâh ha nota, avâ a vaw pahy ta, Khazohpa aluahnazy hmô na ta.

EZEKIA 10:15

Chatawhcha cherubizy cha chalopa châ ha ei ta. Hezy he Khebâ chavah kiah liata ei hmôpa hmohrohneipazy kha ama châ.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

EZEKIA 3:15

Seichâna liata a ypazy pahrâna Khebâ chavah kiah liata Telâbi kei tlô na ta. Ama pahrâna su liata noh sari a tyuh na ta. Cha liata hmo ei hmôpazy ta thata na pahlaw ta.

EZEKIA 3:22

Cha su liata Abeipa ku cha ei chô liata y ta, “Thyu la, saikao by lâ sie teh. Cha liata bie ei châ chho aw,” na tah ta.

EZEKIA 3:23

Chatanachata thyu na ta, saikao by lâ cha sie na ta. Cha liata Abeipa rônahna a vaw duah thlâh hapa hmô na ta. Khebâ chavah kiah liata rônahna ei hmôpa hawhpa kha a châ. Chatawhcha â khu lâta pao na ta.

EZEKIA 33:22

Cha a râpa chyhsa â vy hlâ zâlâ ta, Abeipa ta ei chô liata a ku pahnieh ta, my ta kei lâ a vaw tlôna daihti liata ei pakah na pahy ta, ei pakah â na ta, reih pathlie thei leipa châ khao leipa na ta.

EZEKIA 37:1

Abeipa ku ei chô liata y ta, Abeipa Thlahpa ta nâ chhi ta, saikao liah liata na soh ta. Cha saikao cha ru ta bie thlâh ha ta.

EZEKIA 40:1

Eima seichâna kô kih nata kô pangawhna, kô thaona lâ, noh hrawhna, khihpi a rao tawhta kô hrawh hleipalihna, cha noh lia tlai ta, Abeipa ku ei chô liata vaw y ta, khihpi lâ nâ chhi ta.

EZEKIA 43:3

Aluahna ei hmôpa cha, khihpi parao awpa ta â vy nota ei hmôpa aluahna nah khata miakhapa châ ta, Khebâ chavah kiah liata aluahna ei hmôpa nah khata miakhapa a châ. Chatawhcha â khu lâta pao na ta.

EZEKIA 8:1

Kô charuna, thla charuna, noh pangawhna noh liata, ei o liata ei tyu thlâh ha nota, Abeipa Zehôvâh ku cha ei chô liata vaw y ta. Zudâh machâzy chhao ei hmiakô liata a tyuh ei ta.

DÂNIAH 10:4

Thla khana noh kih nata noh palih noh ta, chavah laipa ngiahkâ liata a duah thlâh ha na ta, cha chavah cha Tikari chavah a châ.

HÔSIA 1:1

He biezy he Zudâh râh liata Uzia, Zôthâ, Ahâza nata Hezekia zy amâ beina daihti nata Izarei râh liata Zôasâ sawchapawpa Zerôbôâ â bei nota Beri sawchapawpa Hôsia hnohta Abeipa bie vaw tlôpazy a châ.

ZÔELA 1:1

He he Pethua sawchapawpa Zôela hnohta a vaw tlôpa Abeipa bie a châ.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.