EZEKIA 1:28 - Mara Bible RV (BSI)

²⁸ A chheipâh zydua liata khaihna alânazie cha, vâsua noh ta meihdo liata meisaku alânazie hawhta a châ. Abeipa rônahna lyuna alânazie cha, cha hawhna chata a châ. Ei hmô nahta, â khu lâta pao na ta, bie a reihtuhpa ao cha thei na ta.

EZEKIA 1:28 ပူးပေါင်းရင်းမြစ်များ

ÂTHAONA 17:3

Abarâ cha â khu lâta pao ta, Khazohpa ta a hnohta,

PUASAINA 16:10

Arawna ta Izarei zawpi hnohta bie a rei hai nota, râhchawhpa lâ sai ei ta, Abeipa rônahna meihdo liata a vaw lâ ta.

PUASAINA 16:7

my ta Abeipa rônahna nama hmô aw. Keimo he khâpa ma eima châ tly, eima chô liata nama paphôhpa he?” tah ei ta.

PUASAINA 24:16

Abeipa rônahna ta Sinai Tlâh cha vaw khu ta, meihdo ta tlâh cha noh charu chhôh khu ta, a noh sarina noh ta Khazohpa ta meihdo hry tawhta Mawsi cha vaw aw ta.

PUASAINA 24:17

Abeipa rônahna a vaw luahpa cha, Izarei sawzy mohmô liata, tlâh laki liata mei a kâpa a lyu.

EZEKIA 10:4

Abeipa rônahna cha cherubizy tawhta thyu ta, Achhyna o chhikao lâ a kaw pasie ta. Achhyna o cha meihdo ta bie ha ta, dôhpachhôh tlyhmia cha Abeipa rônahna khaihna ta a bie haw.

EZEKIA 3:23

Chatanachata thyu na ta, saikao by lâ cha sie na ta. Cha liata Abeipa rônahna a vaw duah thlâh hapa hmô na ta. Khebâ chavah kiah liata rônahna ei hmôpa hawhpa kha a châ. Chatawhcha â khu lâta pao na ta.

EZEKIA 43:2

Moh teh u, Izarei Khazohpa rônah­na cha nochhi lâ tawhta vaw tlô ta. A vaw tlôpa pyu cha, tilaipi pyu hawhta châ ta, alei cha a rônahna ta khaih ta.

EZEKIA 44:4

Chatawhcha maw lâ a heihpa chhikao lâ tawhta Achhyna o tlyhmia lâ nâ chhi ta. Moh na ta, Abeipa Achhyna o cha Abeipa rônahna ta a bie khai hapa ta hmô na ta. Â khu lâta pao na ta.

EZEKIA 8:4

Cha liata Izarei Khazohpa rônahna hmô na ta, saikao by liata ei hmôpa aluahna hawhna tlai khata a châ.

DÂNIAH 8:17

Chatanachata Kabriel cha ei duana kiapâh lâ a vy ta. Â vy nahta, chi ngaita na ta, ei hmia alei lâ a khupa ta pao na ta. Ano ta ei hnohta, “Hy chyhsa sawchapawpa y, aluahna he daihti chhâna kyh a châ tahpa pahno mah y,” tah ta.

THEIHTHAINA 9:24

Abeipa tawhta mei vaw pua ta, maisâh liata raopa hlâna nata thawzy cha vaw kâ ta. Cha cha zawpi zydua ta ama hmô nahta, thata awh ei ta, â khu lâta pao ei ta.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

RAWMA 9:4

Izarei chyhsa châ ei ta, saw châna, rônahna, biehrai, ryhpa piena, achhyna nata bietai zy âmo eih a châ.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

BIEPHUAH 10:1

Chatawhcha vâlyuhchâpa hropa thatlô ngaitapa avâ tawhta a za chôpa hmô na ta. Meihdo ta a tobi ta, a luh chô liata meisaku a zawh ta, a hmia cha noh hawhta khaih ta, a pheizy cha mei tôh hawhta a châ.

BIEPHUAH 4:3

Beidyuchhai liata a tyuhpa alânazie cha zaspi nata kânelia lôsôhpa hawhta châ ta, beidyuchhai cha meisaku ta chadô ta, â lânazie cha emerâ lôsôhpa hawhta a châ.

RYUREITUHPAZY 13:20

Maisâh tawhta meipaleih avâ la a kia ngâ nota, Abeipa vâlyuhchâpa cha maisâh meipaleih hry liata avâ lâ kiah ta. Manôah nata a lapinô ta moh thlâh ha ei ta, alei liata âkhu lâta pao ei ta.