EZEKIA 1:27 - Mara Bible RV (BSI)

²⁷ A chai hawhta â lâpa tawhta a chô lâ liata, thua patliepa a lyupa hmô na ta, a chhôh liata mei a lyupa y ta. A chai hawhta â lâpa tawhta a ry lâ liata, mei a lyupa hmô na ta, a chheipâh liata khaihna y ta.

EZEKIA 1:27 ပူးပေါင်းရင်းမြစ်များ

1 THÂTIHZYRONA 16:27

A hmiakô liata rônahna nata abeina y ta, A yna su liata thatlôna nata thaphana a y.

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

PUASAINA 24:17

Abeipa rônahna a vaw luahpa cha, Izarei sawzy mohmô liata, tlâh laki liata mei a kâpa a lyu.

EZEKIA 1:4

Moh na ta, maw lâ tawhta thlihpipa a vaw pathlipa nata meihdo chhakaluhpa hmô na ta. Meihdo tawhta dôhla mei â zaopa ta vaw pua ta, meihdo cha khaihna ta chadô ta. Mei liah liata thua patliepa a lyupa y ta.

EZEKIA 8:2

Moh na ta, chyhsapa pizie a lyupa hmô na ta. A chai a lyupa tawhta a ry lâ cha mei châ ta, a chai chô lâ cha thua patliepa hawhta a khaihpa a châ.

HABAKU 3:4

A pathliezie cha khaihna hawhta châ ta, A ku tawhta khaihna noh ri hawhta a vaw pua; Cha liata a hmotaotheina nyupa a châ.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

HEBRAI 12:29

eima Khazohpa he a kâ patlô theipa mei châ tlôh ta.