EZEKIA 1:24 - Mara Bible RV (BSI)

²⁴ Ama sie nahta, ama mathlaw pyu cha ti hluhpi pyu hawhta thei na ta, Atotaotheipa ao hawhta theipa ta, pheisaih hluhpi awhsâhpa pyu hawhta ei thei. Amâ dua nahta deikua cha, ama mathlawzy ama pazih tyh.

EZEKIA 1:24 ပူးပေါင်းရင်းမြစ်များ

2 ABEIZY 7:6

Abeipa ta Aramia pheisaihzy cha talailih pyuzy, arâ pyuzy, pheisaih hluhpi pyuzy patheisa ta, chavâta âmo nata âmo a chho ei ta, “Pachâ teh u, keimo miah siehnao awpa ta, Izarei bei ta Hiti beizy nata Izi beizy a hrua ha ei hih,” tah ei ta.

ZAWBÂ 37:2

 rôhpa pyu a phapa ta nathlie u la, A pakah tawhta ao a vaw vihpa nathlie teh u.

HLAZY 18:13

Abeipa cha avâzy tawhta a vaw thua ta, Chônôchaipa ta a ao papua ta, Pachie nata pareih thata a tla.

HLAZY 68:33

Avâzy chô a kiahpa lâta, Avâ hlôpazy chô a kiahpa lâ tlai ta, Reithaina hla sa muh vy. Moh teh u, a ao papua ha ta, A ao rônahpa a papua haw.

EZEKIA 10:5

Cherubizy mathlaw pyu cha, khôtho lâta dôhpachhôh tlyhmia tawh chhao ta thei theipa a châ. Khazohpa Atotaotheipa ta bie a rei nota a ao nata â lyu.

EZEKIA 3:13

Chazy cha hmohrohneipazy mathlaw â tyhpa pyu, ama kiapâh liata tiakizy pyu nata losihpa ru ngaitapa pyu zy a châ.

EZEKIA 43:2

Moh teh u, Izarei Khazohpa rônah­na cha nochhi lâ tawhta vaw tlô ta. A vaw tlôpa pyu cha, tilaipi pyu hawhta châ ta, alei cha a rônahna ta khaih ta.

DÂNIAH 10:6

A pôhpa beri lôsôhpa lyu ta, a hmia dôhla pathliepa hawhta khaih ta, a mozy meipaleih hawhta châ ta, a bâhzy nata a pheizy dawh hawhta patlie ta, a biereipa ao cha zawpi hluhpi ao hawhta a châ.

BIEPHUAH 1:15

A pheizy cha patisana mei liata pathaisapa dawh patliepa lyu ta, a ao cha tisaozy paropa pyu hawhta a châ.

BIEPHUAH 19:6

Chatawhcha zawpi hluhpi ao a lyupa thei na ta. Ti hluhpi pyu hawhta nata tôkalôhpa thata a thuapa pyu hawhta châ ta, ao chata, “Haleluia! Abeipa eima Khazohpa, Atotaotheipa ta ryu a reih.