EZEKIA 1:18 - Mara Bible RV (BSI)

¹⁸ Tiaki tlâhzy cha a sâh ngaitapa nata chichhih ngaitapa châ ei ta, tiaki miapalih tlâhzy cha mokhaohzy ta a padô.

EZEKIA 1:18 ပူးပေါင်းရင်းမြစ်များ

1 ABEIZY 7:33

Patyuna tiakizy cha talailih tiaki hawhta taopa châ ta, a ngaihzy, a kiahzy, a patusana tlâhzy nata tiaki khaohzy cha leihpa sai a châ.

BIESOZY 15:3

Abeipa mo cha su to liata y ta, Hmo chhiepa nata hmo phapa zy a sai thlâh ha tyh.

ISAI 55:9

“Avâzy khi alei hlâta â sâh viapa hawhta, Ei hroziezy cha nâmo hroziezy hlâta a sâh via ta, Ei pachâpazy chhao nama pachâ­pazy hlâta â sâh via.

EZEKIA 10:12

Cherubizy cha ama pôhpa zydua, ama kyzy, ama kuzy nata ama mathlawzy mokhaohzy ta bie ei ta, ama tiaki miapalihpazy chhao mokhaohzy ta a bie.

ZEKARIA 4:10

A nawraih kawpa ta pathao daihti a mohnao kawpazy khata, Zerubâbe ku liata thliena ri ama hmô tita la, amâ ly ngaita aw. Kha mokhaoh miasaripazy kha, alei chô zydua a hmô pahlie khaipa Abeipa mozy ama châ,” tah ta.

BIEPHUAH 4:6

Beidyuchhai hmiakô liana cha tilaipi hawhta thlalâ vaw y ta, cha cha dâhaw hawhta a ngyuhpa lôsôhpa a châ. Beidyuchhai chadôpa ta, chavei chachâh, a hmia nata a hnôh ta hmohrohneipa miapalih y ei ta, chazy cha ama hmia nata ama hnôh ta mokhaoh ta a biepazy ama châ.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.