EZEKIA 1:16 - Mara Bible RV (BSI)

¹⁶ Tiakizy alânazie nata taonazie cha hetana heta a châ: Beri lôsôhpa hawhta patlie ei ta, tiaki miapalihpazy cha amâ lânazie a lyu khai ta, amâ lânazie nata taonazie cha, tiaki miakha chhôh liata tiaki hropa a ypa hawhta a châ.

EZEKIA 1:16 ပူးပေါင်းရင်းမြစ်များ

1 ABEIZY 7:33

Patyuna tiakizy cha talailih tiaki hawhta taopa châ ta, a ngaihzy, a kiahzy, a patusana tlâhzy nata tiaki khaohzy cha leihpa sai a châ.

ZAWBÂ 9:10

Ano cha hmo rônahpa pahno thei leipa taotuhpa châ ta, Hmo noâhpa rei tiah leipazy taotuhpa a châ.

HLAZY 36:6

Na siana cha Khazohpa tlâhzy hawhta châ ta, Na ryureina chhao ti a thu ngaitapa hawhta a châ; Hy Abeipa, chyhsapa nata sazy na pabohsa ei.

HLAZY 40:5

Hy Abeipa, ei Khazohpa, Na hmotao noâhpazy he thata châ ta, Miah na pachânazy he thata a châ kaw dia! Nâma nata pakho tlâh y tlâ veih ei. Chazy cha phuahpa ta ei chhopa chhao ta, Chho khai tiah awpa châ vei.

PUASAINA 39:13

tlâh palihna cha beri, awnisi nata zaspi lôzy a châ. Chazy cha ngôh patusana liata pangaihpa a châ.

HLAZY HLA 5:14

A kuzy cha ngôh chôchahreizy lyu ei ta, Beri lôsôhpa pataohpa ngôh chôchareizy tlai ama lyu. A pôhpa cha sianaoh patliepa lyu ta, Saphai lôsôhpazy ta tobipa sianaoh tlai a lyu.

DÂNIAH 10:6

A pôhpa beri lôsôhpa lyu ta, a hmia dôhla pathliepa hawhta khaih ta, a mozy meipaleih hawhta châ ta, a bâhzy nata a pheizy dawh hawhta patlie ta, a biereipa ao cha zawpi hluhpi ao hawhta a châ.

DÂNIAH 7:9

“Ei moh thlâh ha nota, Beidyuchhaizy vaw patyu ei ta, Hlôthlâhpa cha a dyuchhai liata a vaw tyuh ta; A chysia dâhaw hawhta ngyuh ta, A luh sâ chhao sahmi naipa hawhta a châ. A beidyuchhai cha meipaleih châ ta, A tiakizy chhao mei kâ ngâpa a châ.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

EPHESI 3:10

Chatanachata Khazohpa sona hnei hluhzie cha, avâ suzy liata ryureihtuhpazy nata biehneituhpazy hnohta, Awnanopa hmâpa ta pahnosapa ta a y thei aw.