EZEKIA 1:1 - Mara Bible RV (BSI)

¹ Kô sythôhna, thla palihna, noh pangawhna noh liata, seichâna lâ a siepazy hry liata Khebâ chavah kiah liata ei y thlâh ha nota, avâ a vaw pahy ta, Khazohpa aluahnazy hmô na ta.

EZEKIA 1:1 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 46:2

Khazohpa ta zâ ta a mâ lâta Izarei cha bie chho ta, “Zakaw, Zakaw,” tah ta. Ano ta, “He liata ei y,” tah ta.

HLAZY 137:1

Babylaw chavah kiahzy liata, Cha liata a tyuh pi ta eima cha tyh, Zaio eimâ thei châh ta.

PUASAINA 24:10

Izarei Khazohpa cha hmô ei ta. A phei ry cha saphai lôsôhpa paryhpa hawhta châ ta, a pathaihzie cha avâ pathaihpa hawhta pathaih ta.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ISAI 6:1

Bei Uzia a thi kô ta, Abeipa cha beidyuchhai a sâhpa nata a chaluahpa liata â tyu thlâh hapa hmô na ta. A poh rônahpa ta Achhyna o pabie khai ha ta.

ZEREMIAH 29:15

“‘Abeipa ta Babylaw râh liata chhao hrohsopazy miah a paduapa na,’ nama tahpa vâta,

EZEKIA 1:3

Kaldia râh Khebâ chavah kiah liata a ypa Buzi sawchapawpa theihthaipa Ezekia hnohta Abeipa bie vaw tlô ta, Abeipa ku a chô liata y ta.

EZEKIA 10:1

Chatawhcha moh na ta, cherubizy luh chô vâphuh ahlôpa chô liata beidyuchhai a lyupa saphai lôsôhpa hmô na ta.

EZEKIA 10:10

Tiaki miapalihzy cha ama pizie a lyu khai ta, tiaki miakha chhôh liata tiaki hropa a ypa hawhta a châ.

EZEKIA 10:15

Chatawhcha cherubizy cha chalopa châ ha ei ta. Hezy he Khebâ chavah kiah liata ei hmôpa hmohrohneipazy kha ama châ.

EZEKIA 10:20

Hezy he Khebâ chavah kiah liata Izarei Khazohpa ry liata hmohrohneipa ei hmôpazy kha ama châ. Cherubizy ama châ tahpa ei pahno haw.

EZEKIA 10:22

Ama hmia alânazie cha, Khebâ chavah kiah liata ei hmôpa hmiazy hawhna khata châ ta, ama hmia palihpazy hry liata kheihawhpa hmia aheina lâ maih ama sie thei.

EZEKIA 11:24

Kei cha Thlahpa ta na chalo ta, Kha­zohpa Thlahpa ta aluahna ta Kaldia râh seichâna liata a ypazy lâ nâ chhi ta. Chatawhcha aluahna ei hmôpa cha na kiasai ha ta.

EZEKIA 3:15

Seichâna liata a ypazy pahrâna Khebâ chavah kiah liata Telâbi kei tlô na ta. Ama pahrâna su liata noh sari a tyuh na ta. Cha liata hmo ei hmôpazy ta thata na pahlaw ta.

EZEKIA 3:23

Chatanachata thyu na ta, saikao by lâ cha sie na ta. Cha liata Abeipa rônahna a vaw duah thlâh hapa hmô na ta. Khebâ chavah kiah liata rônahna ei hmôpa hawhpa kha a châ. Chatawhcha â khu lâta pao na ta.

EZEKIA 40:2

Khazohpa aluahna ta Izarei râh lâ nâ chhipa ta, tlâh sâh ngaitapa liata na soh ta, tlâhpi chho lâta khihpi a lyupa ozy y ta.

EZEKIA 43:3

Aluahna ei hmôpa cha, khihpi parao awpa ta â vy nota ei hmôpa aluahna nah khata miakhapa châ ta, Khebâ chavah kiah liata aluahna ei hmôpa nah khata miakhapa a châ. Chatawhcha â khu lâta pao na ta.

EZEKIA 8:3

A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.

HÔSIA 12:10

Hrohsopazy hnohta bie reih na ta, Aluahna hluhpi ei pie ei; Hrohsopazy hmâpa ta Pakhona biezy ei reih tyh.

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

MALUHREINA 4:3

kô sythôh tawhta chô lâ kô sypangawh taih, ahmaohna poh o liata chakaona rai a hria thei awpa maluh zydua nama reih khai awpa a châ.

MATHAI 17:9

Tlâh tawhta ama za chô hai nota, Zisu ta ama hnohta, “Chyhsa Sawchapawpa he athihpazy hry tawhta a thyu heih hlâlei cha, aluahna nama hmôpa kha ahy hmah chho khuh vy,” tahpa ta biepie ta.

MATHAI 3:16

Zisu cha bâti a châ khaipa nahta, ti tawhta thlai kaw pua ta, avâ a vaw pahy ta, Khazohpa Thlahpa cha vachhuh hawhta za chô ta, a chô liata â chohpa hmô ta.

MÂKA 1:10

Ti tawhta a kaw puapa nahta, avâ a pahypa hmô ta, Thlahpa cha vachhuh hawhta a chô liata a zâ choh ta.

LUKA 3:21

Chyhsa zydua bâti ama châ khai tawhta, Zisu chhao cha bâti châ hra ta. Thlah a chhâ hai nota, avâ a vaw pahy ta,

LUKA 3:23

Zisu cha chakaona rai â thao nota, kô sythôh rachhôhpa châ ta, chyhsapa lâ tawhta cha Zawsi sawchapawpa a châ. Zawsi cha Heli sawchapawpa châ ta,

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

HMOTAOPAZY 10:11

Avâ a vaw pahy ta, poh lai ngaitapa a lyupa, ki palih ta buhpa alei lâ zâ pathliahpa hmô ta.

HMOTAOPAZY 10:3

Zâlâ dawh thôh rachhôhpa liata, aluahna sia ngaitapa hmô ta. Khazohpa vâlyuhchâpa a o liata a vaw ngia ta, “Kawnilia,” vaw tah ta.

HMOTAOPAZY 7:56

“Moh teh u, vârâh a pahypa hmô na ta, Chyhsa Sawchapawpa cha Khazohpa chachâh lâta â duapa ei hmô” tah ta.

2 KAWRINI 12:1

Ei palai via heih tua aw. Phahnaina y vei hra sala, Abeipa aluahna nata biephuahpa kyh ei reih tua aw.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.