ESTHERI 9:5 - Mara Bible RV (BSI)

⁵ Zuzy ta ama chariah zydua cha zaozi ta chhawhpa ta, thie ei ta, pahleipadia ei ta, âmo a haotuhpazy chô liata ama khopa hawhta ama tao haw.

ESTHERI 9:5 ပူးပေါင်းရင်းမြစ်များ

NEHEMIAH 9:24

Chatanachata ama pathlazy ta a ngia ei ta, râh cha ama hnei. Râh liata a pahrâpa Kâna mozy ama hmiakô liata panawhsa chi ta, ama khopa hawhta tao awpa ta, cha râh liata phopizy nata ama beizy cha Izarei sawzy ku liata na pie ei.

ESTHERI 3:13

Chyhsazy tuah ei ta, châ cha abei râh pachhaihpa zydua lâta ama paphao. Râh liata Zu chyhsa a ypa thyutlia nata machâ, chanô nata hawti zydua noh kha chhôh ta, Adar thla, thla hrawh hleinona, noh hrawh hleithôhna noh ta pahleipadia khai ta, thie khai ta, pamua khai awpa nata ama hmo zydua hrao khai awpa ta, châ liata ropa a châ.

ESTHERI 8:11

Khihpi to liata a ypa Zu chyhsazy cha, ama hrona pabohsa awpa ta, âmo a dyuhpa pheisaihzy, phopizy nata râhzy cha, hawtizy nata chanôzy chhaota pahleipadia ta, thie ta, pamua awpa ta abei ta pasaih ta, ama hmozy hrao awpa chhao a pasaih.

ESTHERI 9:6

Thokhy khihpi Susâ lia tlai ta chyhsa 500 thie ei ta, pahleipadia ei ta,

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

ZEREMIAH 18:21

Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

2 THYSALAWNIKA 1:6

Khazohpa pachiana cha a do ta, nama rie châ patheituhpazy cha rietheina ta viari a thô aw.