ESTHERI 9:4 - Mara Bible RV (BSI)

⁴ Môdekai cha abei o liata chyhsa rônahpa vaw châ ha ta, bie a hnei via lymâpa vâta, râh zydua liata a moh pathâh ta.

ESTHERI 9:4 ပူးပေါင်းရင်းမြစ်များ

2 SAMUELA 3:1

Sawla py nata Dâvi py likah liata adyuhna vâropi y ta. Dâvi cha a thatlô via rili ta, Sawla py deikua cha ama thachhâ via lymâ ta.

1 THÂTIHZYRONA 11:9

Dâvi cha Pheisaihzy Abeipa ta a hnohta a ypa vâta, rônah via lymâ ta.

1 THÂTIHZYRONA 14:17

Chatanachata Dâvi moh cha râh to liata pathâh ta, Dâvi china cha Abeipa ta phopi zydua chô liata payasa ta.

ESTHERI 10:2

Bei Ahasuarâ hmotaotheina nata thatlôna zydua nata abei ta Môdekai palyupalihna rônahpa a piepa thâtih zydua cha, Media nata Persia beizy thâtih rona châbu liata â kipa ta ropa a châ.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 18:43

Phopizy nata atuna tawhta na pachhapa ta, Râhzy chhituhpa ta na tao chi ta, Ei pahno beih leipa phopi ta eina chakao.

HLAZY 92:13

Âmo cha Abeipa o liata lopazy châ ei ta, Eima Khazohpa o dôhpachhôh tlyhmia liata lochopa ta ama y.

PUASAINA 11:3

Abeipa ta Izarei phopi cha Izi mo hmiakô liata ngiachhiena pahlaosa ta. Cha dei châ vei, Mawsi cha Izi râh liata Phiraoh chakaotuhpazy pachâzie nata zawpi pachâzie liata chyhsa rônah ngaitapa châ ta.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEPHANIA 3:19

Pachâ teh, cha daihti liata cha, Châ tlybaituhpa zydua ei hrie aw ei; Pheisypazy pachha aw ei na ta, Paipatlapazy ei chhi pakhy heih aw ei. Chatanachata nozapa ta ama paysana râh zydua liata, Palyupalihna nata moh phana ei patosa aw ei.

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

ZAWSUA 6:27

Abeipa cha Zawsua hnohta y ta, râh zydua liata a moh pathâh ha ta.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.