ESTHERI 9:30 - Mara Bible RV (BSI)

³⁰ Ahasuarâ abeina râh 127 liata a ypa Zu chyhsa zydua hnohta, thlalôhna bie nata biehmeiseihpa hmâpa ta châ ama paphao.

ESTHERI 9:30 ပူးပေါင်းရင်းမြစ်များ

ÂTHAONA 23:1

Sârâ cha kô 127 hroh ta, cha cha Sârâ hro chhôh kôzy a châ.

ESTHERI 1:1

He hmozy he Bei Ahasuarâ â bei nota a tlôpa a châ. Ahasuarâ cha India tawhta Kusi taihta râh pachhaihpa 127 chô liata bei châ ta.

ESTHERI 8:9

Cha daihti lia tlai ta, thla thôhna, Sivan thla, noh kih nata noh thôhna noh ta, abei chârohtuhpazy aw ei ta. Zuzy kyh liata Môdekai biepiepa hawhta, châpapuapa roh ei ta. India tawhta Kusi taihta a ypa, râh 127 liata beimachâzy, râhvaotuhpazy nata ryureituhpazy lâ paphao ei ta. Râh to âmo châ chyu ta paphaopa châ ta, phopi to ama reih chyu ta paphaopa a châ. Zuzy chhao âmo châ nata reih ta paphaopa ama châ.

HLAZY 73:27

Pachâ teh, nâma châ hlapazy cha leidia aw ei ta, Na châta ngâchhih leipazy cha ama chhâna na patlôsa tyh.

ISAI 32:17

Siana ta thlalôhna sa aw ta, Siana theilâpa cha, Chhâzaw sidiana nata hnangâhna a châ aw.

ISAI 39:8

Hezekia ta Isai hnohta, “Abeipa bie na reipa cha a pha na,” tah ta. “Ei hro chhôh ta cha thlalôhna nata abohna a y aw,” tahpa ta a pachâpa vâta, cha bie cha a reipa a châ.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.