ESTHERI 9:3 - Mara Bible RV (BSI)

³ Môdekai china ta ama chô liata a tla thlupa vâ ei ta, râh to ryureihtuhpazy, beimachâzy, râhvaotuhpazy nata bei vyuhpa ta a ypa chyhsazy ta Zuzy cha bao ei ta.

ESTHERI 9:3 ပူးပေါင်းရင်းမြစ်များ

EZRÂ 2:2

Chazy cha Zerubâbe, Zesua, Nehemiah, Seriah, Relai, Môdekai, Bilsâ, Mispâ, Bikavai, Rehu nata Bânâ zy hnohta â liepazy ama châ. He he seichâna tawhta a vaw kuapa Izarei phopi maluh a châ:

EZRÂ 8:36

Abei biepapuapa cha, Chavah Haosâ lâta beimachâzy nata râhvaotuhpazy pie ei ta, âmo ta zawpi nata Khazohpa o raihriazy cha ama bao lymâ.

ESTHERI 3:12

Chatanachata thla khana, noh hrawh hleithôhna noh ta, abei chârohtuhpazy aw ei ta, Hâmâ biepiepa hawhta bia zydua liata beimachâzy, râhvaotuhpazy nata phopizy chhituhpazy lâta châ papua ei ta. Âmo châ nata âmo reih chyu ta bia to liata châ papuapa a châ. Châ cha Bei Ahasuarâ moh ta ropa châ ta, abei kusadi ta chahnao pa-ipa a châ.

ESTHERI 8:17

Abei biepiepa nata abei châpapuapa tlôna râh to nata khihpi to liata Zuzy cha thaphana nata alyna ta ama bie. Kyhchhizy taopa ta, apahâna nohzy phuah ei ta. Cha râh liata a ypa phopizy hry tawhta chyhsa hluhpi cha, Zuzy china ta a tla thlupa vâ ei ta, Zu chyhsa lâta amâ palie hôlô.

ESTHERI 8:5

a hnohta, “Abei alynazie châ sala, kei chhao abei modypa châ sah la, hmo ei rei awpa he abei ta â dopa ta pahno sala, abei mo liata a palysatuhpa ei châ khiahta cha, Akaki chyhsa Hâmedâthâ sawchapawpa Hâmâ ta Zuzy pahleipadia nawpa ta abei râh zydua liata châ a papuapa phiena biepiepa papua thlupa châ mawh sy.

ESTHERI 8:9

Cha daihti lia tlai ta, thla thôhna, Sivan thla, noh kih nata noh thôhna noh ta, abei chârohtuhpazy aw ei ta. Zuzy kyh liata Môdekai biepiepa hawhta, châpapuapa roh ei ta. India tawhta Kusi taihta a ypa, râh 127 liata beimachâzy, râhvaotuhpazy nata ryureituhpazy lâ paphao ei ta. Râh to âmo châ chyu ta paphaopa châ ta, phopi to ama reih chyu ta paphaopa a châ. Zuzy chhao âmo châ nata reih ta paphaopa ama châ.

DÂNIAH 3:2

Bei Nebukaneza ta bia avaotuhpazy, râh avaotuhpa zy, râh ryureituhpazy, ryhraotuhpazy, sôh avaotuhpazy, dâhthaipazy nata pachiatuhpazy nata râh liata sawhkhâ molaipa zydua cha Nebukaneza ta nothlahpa a paduapa hlâna apakhyna liata a hlao awpa ta awpakhy ta.