ESTHERI 9:18 - Mara Bible RV (BSI)

¹⁸ Susâ liata Zuzy deikua cha, noh hrawh hleithôhna nata noh hrawh hleipalihna nohzy liata a hmaohpakhy ei ta, noh hrawh hleipangawhna noh ta a pahâ ei ta, cha noh cha kyhchhina nata tha­phana noh ta ama hmâh.

ESTHERI 9:18 ပူးပေါင်းရင်းမြစ်များ

ESTHERI 8:11

Khihpi to liata a ypa Zu chyhsazy cha, ama hrona pabohsa awpa ta, âmo a dyuhpa pheisaihzy, phopizy nata râhzy cha, hawtizy nata chanôzy chhaota pahleipadia ta, thie ta, pamua awpa ta abei ta pasaih ta, ama hmozy hrao awpa chhao a pasaih.

ESTHERI 9:1

Chatanachata abei biepiepa nata châpapuapa hawhta taopa ta, ama chariahzy ta Zuzy chô liata kupathlapa ta pahnie amâ chhuahna noh, thla hrawh hleinona, Adar thla, noh hrawh hleithôhna noh liata, â lie lâta hmo vaw y ta. Zuzy ta âmo a haotuhpazy chô liata kupathlapa ta ama pahniena noh tlao a vaw châ haw.

ESTHERI 9:11

Cha noh liata, thokhy khihpi Susâ liata chyhsa ama thiepa maluh cha abei chho ei ta.

ESTHERI 9:13

Estheri ta, “Abei alynazie a châ khiahta cha, Susâ liata Zuzy heta tanoh ta biepiepa hawhna heta mylâ chhao tao ei sala, Hâmâ sawchapawpa pahrawhzy ri cha paaosaona tho tlâh liata pangiehpa châ mawh sy,” tah ta.

ESTHERI 9:15

Susâ liata Zuzy cha, Adar thla, noh hrawh hleipalihna noh liata a hmaohpakhy heih ei ta, Susâ liata chyhsa 300 thie ei ta. Hraona sôh deikua hria veih ei.

ESTHERI 9:2

Bei Ahasuarâ râh zydua liata Zuzy cha, ama rao nawpa a tluatuhpazy chô liata kupathla awpa ta, ama khihpizy liata a hmaohpakhy ei ta. Zuzy china ta phopi zydua chô liata a tla thlu hapa vâ ei ta, Zuzy hmia liata â duah theipa y veih ei.

ESTHERI 9:21

Adar thla, noh hrawh hleipalihna noh nata noh hrawh hleipangawhna nohzy cha kô chareih ta chay awpa ta bie a pie.