ESTHERI 9:12 - Mara Bible RV (BSI)

¹² Abei ta Beinô Estheri hnohta, “Zuzy ta thokhy khihpi Susâ liata chyhsa 500 thiepa ta, pahleipadia ei ta, Hâmâ sawchapaw pahrawhzy chhao ama thie haw. Abei khinarâh bia hropazy liata kheihta rimâ ma ama tao aw tly! Tahmâ khâpa na khoh? Piepa na châ aw. Khâpa na hia khoh via? Taopa a châ aw,” tah ta.

ESTHERI 9:12 ပူးပေါင်းရင်းမြစ်များ

ESTHERI 5:3

Abei ta a hnohta, “Khâpa bie rimâ maw, Beinô Estheri? Khâpa na hia khoh? Na hiapa cha piepa na châ aw, ei khinarâh khophie chhao ei cha pie aw,” tah ta.

ESTHERI 5:6

Pati nie khai tawhta kresawhti ama do hai nota, abei ta Estheri hnohta, “Khâpa na khoh? Piepa na châ aw. Khâpa na hia? Ei khinarâh khophie chhao châ sala, piepa na châ aw,” tah ta.

ESTHERI 7:2

A noh nona noh ta, pati nie khai tawhta kresawhti ama do hai nota, abei ta Estheri hnohta, “Khâpa na khoh, Beinô Estheri? Piepa na châ aw. Khâpa na hia? Ei khinarâh khophie chhao rai châ sala, piepa na châ aw,” tah heih ta.

ESTHERI 9:11

Cha noh liata, thokhy khihpi Susâ liata chyhsa ama thiepa maluh cha abei chho ei ta.

ESTHERI 9:15

Susâ liata Zuzy cha, Adar thla, noh hrawh hleipalihna noh liata a hmaohpakhy heih ei ta, Susâ liata chyhsa 300 thie ei ta. Hraona sôh deikua hria veih ei.

HMOTAOPAZY 23:19

Pheisaih hyutuhpa ta a ku ta patu ta, ânano ta a chhi ta, “Khâpa bie na chho awpa ma na hnei?” tah ta, arulâta hiahri ta.