ESTHERI 9:10 - Mara Bible RV (BSI)

¹⁰ Âmo cha Hâmedâthâ sawchapawpa Hâmâ, Zuzy chariahpa sawchapaw pahrawhzy ama châ. Hraona sôh deikua Zuzy ta hria veih ei.

ESTHERI 9:10 ပူးပေါင်းရင်းမြစ်များ

ÂTHAONA 14:23

chavâta nâma eih cha lari sâkhata dâhdei chhao, pheiky ri sâkhata dâhdei chhao la aw va na. Chataleipatala ‘Abarâ cha keima ta ei pahneirôhsapa ma a châ,’ na tah pathlei aw.

ÂTHAONA 34:27

Zakaw sawchapawzy cha ama thiepazy lâ vawh ei ta, ama sietanô ama papuapaleipa vâta, khihpi cha hrao ei ta.

ESTHERI 3:1

Cha hmozy hnôhlâ ta, Bei Ahasuarâ ta Akaki chyhsa Hâmedâthâ sawchapawpa Hâmâ cha a rai pakiasâhsa ta, a beimachâ hropa zydua hlâta dyuchhai a sâh viapa liata patyusa ta.

ESTHERI 3:13

Chyhsazy tuah ei ta, châ cha abei râh pachhaihpa zydua lâta ama paphao. Râh liata Zu chyhsa a ypa thyutlia nata machâ, chanô nata hawti zydua noh kha chhôh ta, Adar thla, thla hrawh hleinona, noh hrawh hleithôhna noh ta pahleipadia khai ta, thie khai ta, pamua khai awpa nata ama hmo zydua hrao khai awpa ta, châ liata ropa a châ.

ESTHERI 5:11

Hâmâ ta sôh nata piah a hnei hluhzie zy, sawchapaw a hneipa zie zy, abei ta a pakiasâhsana, a palyupalihna nata beimachâ nata chakaotuhpa hropazy hlâta chônô viapa ta a sona thâtihzy âmo cha chho ta.

ESTHERI 7:4

Kei nata ei chiheihzy cha pahleipadia awpa nata thie awpa nata pamua awpa ta zuapa eima châ haw. Seichanô ta tlyma, seichapaw ta tlyma, zuapa rakhapa eima châ khiahta cha, ei chalih thlâh ha aw. Keimo pasa taona cha abei ta a pahlei awpa nata pakho khi châ vei,” tah ta.

ESTHERI 7:6

Estheri ta, “Khakhaipa nata chariahpa a châ! He moleipa Hâmâ he a châ,” tah ta. Hâmâ cha abei nata beinô hmiakô liata thata a chalyu ta.

ESTHERI 8:11

Khihpi to liata a ypa Zu chyhsazy cha, ama hrona pabohsa awpa ta, âmo a dyuhpa pheisaihzy, phopizy nata râhzy cha, hawtizy nata chanôzy chhaota pahleipadia ta, thie ta, pamua awpa ta abei ta pasaih ta, ama hmozy hrao awpa chhao a pasaih.

ESTHERI 9:11

Cha noh liata, thokhy khihpi Susâ liata chyhsa ama thiepa maluh cha abei chho ei ta.

ESTHERI 9:9

Pâmastâ, Arisai, Aridai nata Vaizathâ zy ama thie haw.

HLAZY 21:10

Ama pathlazy alei tawhta pahleipadia aw chi ta, Ama chizy chyhsa sawzy tawhta na pahleipadia khai aw.

PUASAINA 17:16

Mawsi ta, “Amale cha Abeipa beidyuchhai chô liata a ku a hypa vâta, chhâ a vaw y lymâ awpa zydua liata Abeipa ta â dyuh lymâ aw,” tah ta.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

DÂNIAH 6:24

Chatawhcha abei ta biepie ta, hiatliana vâta Dâniah a leihtuhpazy cha a vaw chhi ei ta, chakeibarôhneipazy lôpu liata thy ei ta, âmo, ama sawzy nata ama lapinôzy chhao ta. Lôpu siphiah chhao ama tlô hlâta, chakeibarôhneipazy ta a vaw zawhnao ei ta, ama ru zydua taihta a tlawh ta ama thlie pachhô khai haw.

RAWMA 12:17

Ahy moleina rai moleina ta viarithô leipa u la, chyhsa zydua mohmô ta hmo dopa tao awpa ta pachâna tlao hmâh tyh muh vy.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.