ESTHERI 8:6 - Mara Bible RV (BSI)

⁶ Ei chiheih chô liata chhiena a tlôpa hmô aw sah la, kheihta ei tao thei aw? Ei chiheihzy leidiapa hmô aw sah la, kheihta ei tao thei aw?” tah ta.

ESTHERI 8:6 ပူးပေါင်းရင်းမြစ်များ

ÂTHAONA 44:34

Hawtipa ei hnohta a sie leipa khiahta cha, kheihta ma ei paw lâ ei khy ngâh aw? Ei paw chô liata chhiena a tlô awpa cha moh ngâh va na,” tah ta.

NEHEMIAH 2:3

Abei hnohta, “Abei cha hroh kôzaw mawh sy! Nâ pathlatuhpazy thlâ yna khihpi cha roryhrapa ta y ta, a chhikaozy chhao mei ta a kâ khai nota, kheihta ma pachârôhna hmia phaoh leipa ta ei y thei aw,” tah na ta.

ESTHERI 7:4

Kei nata ei chiheihzy cha pahleipadia awpa nata thie awpa nata pamua awpa ta zuapa eima châ haw. Seichanô ta tlyma, seichapaw ta tlyma, zuapa rakhapa eima châ khiahta cha, ei chalih thlâh ha aw. Keimo pasa taona cha abei ta a pahlei awpa nata pakho khi châ vei,” tah ta.

ESTHERI 9:1

Chatanachata abei biepiepa nata châpapuapa hawhta taopa ta, ama chariahzy ta Zuzy chô liata kupathlapa ta pahnie amâ chhuahna noh, thla hrawh hleinona, Adar thla, noh hrawh hleithôhna noh liata, â lie lâta hmo vaw y ta. Zuzy ta âmo a haotuhpazy chô liata kupathlapa ta ama pahniena noh tlao a vaw châ haw.

ZEREMIAH 4:19

Ei pasa rimâ cha, ei pasa rimâ cha! Ei taikalô pâ ngâ kaw dia! Aw, ei palôh pasa rimâ cha! Ei châh-ao thata a chalyu ta, Y molo thai khao va na. Chiahmie pyu thei na ta, Adyuhna rahaopa pyu ei thei.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

RAWMA 10:1

Unawh saih u, Izarei sawzy pachha ama châ awpa cha, ei palôh khopa nata âmo châta Khazohpa lâta ei thlahchhâna a châ.