ESTHERI 8:16 - Mara Bible RV (BSI)

¹⁶ Zuzy châta khaihna, thaphana, alyna nata palyupalihna ama tona noh châ ta.

ESTHERI 8:16 ပူးပေါင်းရင်းမြစ်များ

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

ESTHERI 9:17

Cha hmo cha Adar thla, noh hrawh hleithôhna noh ta vaw tlô ta, noh hrawh hleipalihna noh cha a pahâ ei ta, cha noh cha kyhchhina nata thaphana noh ta ama hmâh.

HLAZY 112:4

Chyhsa dopa châta cha, Zohna liata a y no chhao ta khaihna a vaw pua tyh; Abeipa cha ngiachhiena nata zawngiahna a hneipa châ ta, Khazohpa siapa a châ.

HLAZY 118:27

Abeipa cha Khazohpa châ ta, Eima chô liata a khaihna a pakhaihsa haw. Atheihna sahroh cha chaori ta hraih u la, Maisâh kizy liata hraih teh u!

HLAZY 18:28

Nâ ta ei meiôh pakhaih chi ta, Abeipa ei Khazohpa ta ei zohna a pakhaihsa tyh.

HLAZY 30:12

Ei hrona tlokhuh ta na reithaina hla sa aw na ta, A chalih aw va na; Hy Abeipa ei Khazohpa, Tlyzaw ta alyna bie ei cha hlâ aw.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

BIESOZY 11:10

Mosiapa chô liata hmo pha a tlôh nahta, Khihpi a ly ta; Moleipa a leidia nahta, Thaphapa ta ama rahao tyh.

BIESOZY 28:12

Mosiapazy ta pahniena ama to nahta, Palyupalihna rônahpa y ta; Moleipazy ama thyu nahta deikua cha, Chyhsazy amâ nyu tyh.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.