ESTHERI 8:13 - Mara Bible RV (BSI)

¹³ Châpapuapa liata biepiepa cha râh zydua lâta paphaopa châ ta, phopi to pahno awpa ta phuahpa a châ. Cha noh ta ama chariahpazy chô liata phuh la awpa ta, Zuzy cha amâ pachyh awpa a châ.

ESTHERI 8:13 ပူးပေါင်းရင်းမြစ်များ

ESTHERI 3:14

Cha noh ta phuah awpa ta a mâ chiehpa ta a y thei nawpa ta, châ cha bia to liata phopi zydua hnohta biepiepa ta papuapa a châ.

ESTHERI 8:14

Chatanachata châraituhpazy ta bei biepiepa hawhta, bei chakaona raihria liata hmâpa arâ chahrapazy kiapa ta, a chatliepa ta châ cha rai ei ta. Biepiepa cha thokhy khihpi Susâ liata papuapa a châ.

HLAZY 68:23

Chatanachata ama thisaih liata na phei tly aw chi ta, Na izy paleih ta khakhaipazy liata tovyuh a hnei aw.”

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.

RYUREITUHPAZY 16:28

Sâsawna cha Abeipa pado ta, a hnohta, “Hy Beichaipa Khazohpa y, ngiachhiepa ta nâ thei la, Hy Khazohpa, ngiachhiepa ta ei khata he ei tha rie na patlô heih mah y, Philistinâ mo chô liata ei mo kârano phuh ei la thei nawpa ta,” tah ta.