ESTHERI 8:10 - Mara Bible RV (BSI)

¹⁰ Bei Ahasuarâ moh ta châ cha roh ta, abei kusadi ta chahnao pa-i ta. Bei arâ o liata a patawpa arâ chahrapazy kiapa ta, châraituhpazy ta châ cha ama rai lymâ.

ESTHERI 8:10 ပူးပေါင်းရင်းမြစ်များ

1 ABEIZY 21:8

Chatanachata Ahabâ moh ta châ roh ta, Ahabâ châ chahnaona ta chahnao ta, cha cha Nâbô yna khihpi liata a pahrâlâhpa machâzy nata chhituhpazy lâ paphao ta.

1 ABEIZY 4:28

Ama tao awpa raopa chyu hawhta, hyutuhpa zydua ta arâzy nata arâ chahrapazy châta bâli sâh nata sawphaozy â ngiahna su lâ ama pie lymâ.

2 THÂTIHZYRONA 30:6

Châ phaohtuhpazy ta abei nata a beimachâzy châ cha phaopa ta Izarei nata Zudâh râh zydua lâta sie ei ta, abei biepiepa hawhta, “Hy Izarei sawzy saih u, Khazohpa cha nâmo, Asuria beizy ku tawhta a puapa, laibâhpazy lâta â vaw heih thei nawpa ta, Abeipa, Abarahâ, Aisika nata Izarei Khazohpa lâ kua heih teh u.

ESTHERI 8:8

Zuzy kyh liata, pha nama tahnazie hawhta abei moh ta roh u la, abei kusadi ta chahnao pa-i muh vy. Abei moh ta biepapuapa ropa nata abei kusadi ta chahnao pa-i hapa cha panano theipa châ khao vei,” tah ta.

ZAWBÂ 9:25

“Ei nohzy he râpasuatuhpa hlâta chatlie via ta, A zaw ei ta, Alyna noh hmô leipa ta ama khô tyh.

BIECHHOTUHPA 8:4

Abei bie a bei chai ta, ahy ma a hnohta, “Khâpa ma na tao?” a tah thei aw?

ISAI 60:6

Râraoseihpa hluh ngaitapazy ta Cha pahly aw ei ta; Midia nata Epha liata râraoseihpa lochopazy ta Ama cha pahly aw; Sebâ râraoseihpa zydua vaw tlô khai aw ei ta, Ngôh nata deiryh zy vaw phaopa ta, Abeipa reithaina thâtihpha ama vaw tlôkhei aw.

ISAI 66:20

Nama unawhpa zydua cha, Abeipa lâta hmohlâpa châta râh to tawhta a vaw chhi aw ei ta, arâzy, talailihzy, asynazy, sabaituzy, râraoseihpazy kiapa ta ei tlâh pathaihpa Zerusale lâ amâ vaw chhi aw,” Abeipa ta a tah. “Izarei sawzy ta hmobaoh pathaihpa ta Abeipa o lâ niepa hlâna ama vaw cheipa hawhta, nama unawhzy cha Abeipa lâta hmohlâpa châta amâ vaw chhi aw.

ZEREMIAH 2:23

Kheihta ma, “Pathaih leipa châ va na, Bâlâ chhao pazi beih va na,” na tah thei tly? Saikao liata na yzie kha moh la, Na hmotaopa kha pachâ tua: Râraoseihpa zeinô paw khohpa hawhta, Hao lâ he lâ a râhreih chi ta,

ZEREMIAH 51:21

Nâma hmâpa ta arâ nata a kiahtuhpa chaphie ei na ta, Nâma hmâpa ta talailih nata a haohtuhpa ei chaphie ha ei.

DÂNIAH 4:1

Bei Nebukaneza ta, khizaw zydua liata a pahrâpa phopi to, râh to nata reih to hnohta hetana heta tah ta: Thlalôhna nama chô liata pôh lymâ mawh sy!

DÂNIAH 6:8

Chavâta Hy abei y, tahmâ pakhâna biepiepa châ cha papua la, Media nata Persia ryhpa cha panano theipa a châ leipa hawhta, cha pakhâna biepiepa chhao cha panano thei lei awpa ta na moh ro thlu mah y,” tah ei ta.