ESTHERI 8:1 - Mara Bible RV (BSI)

¹ Cha noh ta, Zuzy chariahpa Hâmâ o cha, Bei Ahasuarâ ta Beinô Estheri pie ta. Estheri ta Môdekai nata amâ zaona kyh abei a chho hapa vâta, Môdekai cha abei hmiakô lâ a vy ta.

ESTHERI 8:1 ပူးပေါင်းရင်းမြစ်များ

ESTHERI 1:14

Abei a pazipa beimachâzy cha Kâsenâ, Setharâ, Amâthâ, Tâsi, Mere, Mâsenâ nata Memukâ zy châ ei ta, âmo cha abei hmia a hmô tyhpa Persia nata Media beimachâ pasarizy châ ei ta, khinarâh liata hmia chai ta a tyuh tyhpazy ama châ.

ESTHERI 2:15

Môdekai ta sawchanô ta â lapa Estheri, Môdekai unawhpa Abihai sawchanô cha, abei lâ â ngiana daihti a tlô nahta, chanôzy mohôhtuhpa hrilyupa Hekai ta ano châta â tlyhpazy tah leipa cha, khâpa hmah a chei leipa ta. Estheri cha a hmôpa maih mody kawpa châ ta.

ESTHERI 2:7

Môdekai cha a paw unawhpa sawchanô Hadâsâ chhytuhpa châ ta, Hadâsâ cha Estheri tahpa ta awpa a châ. Estheri cha nôpaw a hnei khao leipa vâta Môdekai ta a chhy. Cha laihsa cha pizie pha kawpa nata mo ngia kawpa châ ta, a nô nata a paw ama thi tawhta, Môdekai ta a sawchanô ta â lapa a châ.

ESTHERI 7:6

Estheri ta, “Khakhaipa nata chariahpa a châ! He moleipa Hâmâ he a châ,” tah ta. Hâmâ cha abei nata beinô hmiakô liata thata a chalyu ta.

ESTHERI 8:7

Bei Ahasuarâ ta Beinô Estheri nata Zu chyhsa Môdekai hnohta, “Pachâ teh u, Zuzy chô liata kupathla â chhuahpa vâta, Hâmâ o cha Estheri pie na ta, Hâmâ chhao ama paaosao haw.

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

BIESOZY 13:22

Chyhsa phapa cha a samohzy to awpa taihta ryu siesai ta, Moleipa sôh deikua cha mosiapa châta pachôpa a châ.

BIESOZY 28:8

A pôhna chadaipa ta a sôh a papôhsatuhpa cha, Dyhchhiepazy chô liata riaphapa châta a sôh cha a pachô.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.