ESTHERI 7:4 - Mara Bible RV (BSI)

⁴ Kei nata ei chiheihzy cha pahleipadia awpa nata thie awpa nata pamua awpa ta zuapa eima châ haw. Seichanô ta tlyma, seichapaw ta tlyma, zuapa rakhapa eima châ khiahta cha, ei chalih thlâh ha aw. Keimo pasa taona cha abei ta a pahlei awpa nata pakho khi châ vei,” tah ta.

ESTHERI 7:4 ပူးပေါင်းရင်းမြစ်များ

NEHEMIAH 5:5

Eima sapa he eima unawhzy sapa hawhta châ ta, eima sawzy chhao âmo sawzy hawhta châ hra ei ta. Cha hawhta a châ nota, eima sawchapawzy nata sawchanôzy cha sei pachâsa awpa duahmo liata a duah pi ta, eima sawchanô thokhazy chhochhi cha sei ta taopa ama châ haw. Chyhsa hropazy ta eima lyu nata kre sadôzy ama hnei khai ha tawhta cha, tao thei awpa hnei khao ma pi,” a tahpazy chhao ama y.

ESTHERI 3:13

Chyhsazy tuah ei ta, châ cha abei râh pachhaihpa zydua lâta ama paphao. Râh liata Zu chyhsa a ypa thyutlia nata machâ, chanô nata hawti zydua noh kha chhôh ta, Adar thla, thla hrawh hleinona, noh hrawh hleithôhna noh ta pahleipadia khai ta, thie khai ta, pamua khai awpa nata ama hmo zydua hrao khai awpa ta, châ liata ropa a châ.

ESTHERI 3:9

Chavâta abei alynazie a châ khiahta cha, âmo cha pahleipadia khai awpa ta bie papuapa châ sala, abei sôh o liata so awpa ta abei sôh mohôhtuhpazy ku liata tâkâ talent 10,000 ei pie aw,” tah ta.

ESTHERI 7:5

Bei Ahasuarâ ta Beinô Estheri hnohta, “Cha hawhpa hmo a tao ngâhpa cha ahy ma a châ? Khataih liata a y?” tah ta.

ESTHERI 7:6

Estheri ta, “Khakhaipa nata chariahpa a châ! He moleipa Hâmâ he a châ,” tah ta. Hâmâ cha abei nata beinô hmiakô liata thata a chalyu ta.

ESTHERI 8:11

Khihpi to liata a ypa Zu chyhsazy cha, ama hrona pabohsa awpa ta, âmo a dyuhpa pheisaihzy, phopizy nata râhzy cha, hawtizy nata chanôzy chhaota pahleipadia ta, thie ta, pamua awpa ta abei ta pasaih ta, ama hmozy hrao awpa chhao a pasaih.

ESTHERI 8:6

Ei chiheih chô liata chhiena a tlôpa hmô aw sah la, kheihta ei tao thei aw? Ei chiheihzy leidiapa hmô aw sah la, kheihta ei tao thei aw?” tah ta.

ESTHERI 9:25

Châhrasala cha thâtih cha abei kô a vaw tlô nahta, Zuzy tei nawpa ta hmo chhiepa tao â chhuahpa cha, ano luh chô liata a lie thlupa ta, ano nata a sawchapawzy cha, paaosaona tho tlâh liata paaosao awpa ta ropa ta tlao bie a pie haw.

DÂNIAH 6:2

Âmo chô lâta hyutuh laipa pathôh rao ta, chazy hry liata pakha cha Dâniah a châ. Abei ta raona â tyh lei nawpa ta, bia avaotuhpazy ta hyutuh laipa pathôhpazy hnohna heta bie ama tlôkhei tyh.

ZÔELA 3:6

Zudâh nata Zerusale chyhsazy chhao, ama râh tawhta lâhlapi lâ pasiesa ha awpa ta, Krikâh mozy hnohta nama zuah.

AMÔSÂ 2:6

Abeipa ta heta na heta a tah: “Izarei moleina miathôh vâta, Âh, miapalih vâ chhao rai ta, Hriena chalihsa aw va na; Chyhsa siapazy tâkâ ta zuah ei ta, Phahlapazy pheiky bao kha ta ama zuapa vâta.

LUKA 12:45

Chakaotuhpa ta a palôh liata, ‘Ei zibeipa charâ ta a vy bao aw vei,’ tahpa ta, chakaotuhpa hropazy cha a chanô chapaw ta tu sala, niedopa ta a pari khiahta deikua cha,

RYHPACHANEINA 28:68

Nama hnohta, ‘Hmô heih khao aw veih ei chi,’ ei tahpa Izi râh lâpi liata Abeipa ta balyh ta châ chhi pakhua heih aw ei ta, cha liata nama chariahpazy seichapaw nata seichanôzy châta a zuah aw ei chi ta, ahy ta hmah cha chalei khoh aw veih ei,” tah ta.

ZAWSUA 9:23

Chavâta chhiesapa nama châ haw. Sei châ kôzaw aw ei chi ta, ei Khazohpa o châta tho pakhytuhpa nata ti thaihtuhpa ta nama y lymâ aw,” tah ta.

1 SAMUELA 22:23

Ei hnohta y ha mah y. Chi khah y, keima thie nâ chhuahpa heta nâ chhao thie a châ chhuah hra. Keima hnohta la â bohpa ta na y aw,” tah ta.