ESTHERI 7:3 - Mara Bible RV (BSI)

³ Beinô Estheri ta a chhy ta, a hnohta, “Hy abei y, na modypa châ sah la, abei alynazie a châ khiahta cha, ei khopa hmo ei reipa hawhta ei hrona pahlôhpa châ sala, ei hmo hiapa hawhta ei chiheihzy hrona pahlôhpa châ mawh sy.

ESTHERI 7:3 ပူးပေါင်းရင်းမြစ်များ

1 ABEIZY 20:31

A chakaotuhpazy ta a hnohta, “Tahmâ pachâ teh, Izarei pathla beizy cha chyhsa a ngiachhie thei ngaitapa bei ama châ tahpa eima thei. Latho poh a saipa ta, eima luh chaori ta buhpa ta Izarei bei lâ pua ei suh u. Na hrona a cha pahlôh thlâh ha ngyu aw,” tah ei ta.

2 ABEIZY 1:13

Abei ta pheisaih sypangawh hyutuhpa pathôhna a pheisaih sypangawh chhaota tuah heih ta. Pheisaih sypangawh hyutuhpa pathôhna cha khy ta, Elaizâh hmiakô liata a pakhu paneih ta, a hnohta, “Hy Khazohpa chyhsa y, keima hrona nata châ chakaotuhpa chyhsa sypangawh hrona he, na mohmô liata hmo sôhpa châ mawh sy.

ESTHERI 4:8

Zuzy pahleipadia nawpa ta Susâ liata châpapuapa chhao Estheri pahmô ta chhopasia awpa Hâthâh cha pie ta. Abei lâ a ngia sala, a khokheina hiapa ta, a chiheihzy châta ahawna tao awpa ta, Môdekai ta Estheri cha bie a pie.

ESTHERI 5:8

Abei modypa châ sah la, ei khopa nata ei hiapa na pie awpa cha abei alynazie a châ khiahta cha, mylâ abei nata Hâmâ châta kyhchhi a chhuanoh aw na ta, kyhchhina lâ cha a vy ei sala, abei reipa hawhta, ei khopa cha abei ei chho aw,” tah ta.

ESTHERI 7:7

Abei cha pathi ia ngaitapa ta kresawhti dona tawhta thyu ta, abei sadô lâ vawh ta. Hâmâ deikua cha, abei ta a chô liata kupathla khâchâ â chhuah haw tahpa a pahnopa vâta, a hrona pahlôh awpa ta Beinô Estheri hiah awpa ta y patlua ta.

ESTHERI 8:5

a hnohta, “Abei alynazie châ sala, kei chhao abei modypa châ sah la, hmo ei rei awpa he abei ta â dopa ta pahno sala, abei mo liata a palysatuhpa ei châ khiahta cha, Akaki chyhsa Hâmedâthâ sawchapawpa Hâmâ ta Zuzy pahleipadia nawpa ta abei râh zydua liata châ a papuapa phiena biepiepa papua thlupa châ mawh sy.

ZAWBÂ 2:4

Sâtâ ta Abeipa cha a chhy ta, “Vo vyuhpa ta vo! Chyhsa ta a hrona châta a hneina zydua a pie pasaih aw.

ZEREMIAH 38:26

ama hnohta, ‘Zawnathâ o liata ei thi lei nawpa ta, cha lâ na paphao pakhua lei awpa ta, abei hnohta ahawna ei tao,’ na tah awh,” tah ta.