ESTHERI 7:10 - Mara Bible RV (BSI)

¹⁰ Chatanachata Hâmâ cha Môdekai paaosao nawpa ta a taopa liata paaosao ei ta. Cha khai tawhta abei pathiiana cha dia ha ta.

ESTHERI 7:10 ပူးပေါင်းရင်းမြစ်များ

ÂTHAONA 40:22

Viahchhâ taotuhpazy hyutuhpa deikua cha, Zawsi ta ama mâ a chhopasiapa hawh tlai ta, a paaosao haw.

ESTHERI 2:1

Cha hmozy hnôhlâ ta, Bei Ahasuarâ cha a hiehâhpa a dia nahta, Vâsti a thei ta. Vâsti hmotaopa nata ano kyh liata biepapuapa chhao a thei ta.

ESTHERI 5:14

A lapinô Zeresi nata a viasa zydua ta a hnohta, “Dy sypangawh a sâhpa paaosaona taopa châ sala, cha liata Môdekai cha paaosao awpa ta, mydi ta abei chho aw chi ta, chatanachata kyhchhina lâ cha abei hnohta a lypa ta vawh mah y,” tah ei ta. Cha bie chata Hâmâ cha palysa kaw ta, paaosaona cha pataosa ta.

ESTHERI 7:7

Abei cha pathi ia ngaitapa ta kresawhti dona tawhta thyu ta, abei sadô lâ vawh ta. Hâmâ deikua cha, abei ta a chô liata kupathla khâchâ â chhuah haw tahpa a pahnopa vâta, a hrona pahlôh awpa ta Beinô Estheri hiah awpa ta y patlua ta.

ESTHERI 7:8

Abei cha abei sadô tawhta kresawhti ama dona su lâ a vaw lie ta, Estheri atyuna dyuchhai liata Hâmâ paopa cha hmô ta. Abei ta, “Ei mohmô nata ei o lia taihta beinô patupakhi â chhuah bâ he zaw,” tah ta. Cha bie cha abei pakah tawhta a puapa nahta, Hâmâ hmia cha khu ei ta.

ESTHERI 8:7

Bei Ahasuarâ ta Beinô Estheri nata Zu chyhsa Môdekai hnohta, “Pachâ teh u, Zuzy chô liata kupathla â chhuahpa vâta, Hâmâ o cha Estheri pie na ta, Hâmâ chhao ama paaosao haw.

ESTHERI 9:14

Cha hawhta tao awpa ta, abei ta biepie ta. Biepiepa cha Susâ liata papua ta, Hâmâ sawchapawpa pahrawhzy ri cha paaosaona thotlâh liata pangieh ei ta.

ESTHERI 9:25

Châhrasala cha thâtih cha abei kô a vaw tlô nahta, Zuzy tei nawpa ta hmo chhiepa tao â chhuahpa cha, ano luh chô liata a lie thlupa ta, ano nata a sawchapawzy cha, paaosaona tho tlâh liata paaosao awpa ta ropa ta tlao bie a pie haw.

ZAWBÂ 18:8

Ano phei tlai ta sao lâ a chhi aw ta, Khoheih khaoh chô liata a sie aw.

ZAWBÂ 20:8

Mâ hawhta a zaw aw ta, Hmôpa châ khao leipa aw ta, Zâ aluahna hawhta chadai paipa a châ aw.

HLAZY 37:15

Ama zaozi ta âmo palôh chhô aw ta, Ama libaw thliepa a châ aw.

HLAZY 7:16

A hrochhiena ta ano luh chô liata a vaw lie thlu ta, A nôchhiena ta ano luh ru liata a tla thlu.

HLAZY 94:23

Ama paraonazy viarithô aw ta, Ama moleinazy vâta âmo cha a pamua khai aw; A châ na, Abeipa eima Khazohpa ta a pamua khai ha aw ei.

BIESOZY 11:27

Phahnai khohpa ta phana a tluapa cha khokheina hmô ta, Chhiena a tluapa deikua cha chhiena ta a vaw tlô thlu aw.

BIESOZY 11:8

Mosiapa cha nôpona tawhta pachhapa châ ta, Moleipa deikua cha nôpona lâ tlao â ngia tyh.

BIESOZY 26:27

Khaohtlô a chaopa cha a chhôh liata tla aw ta, Alô a pahluahpa chhao ano â vaw hlua thlu heih aw.

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

DÂNIAH 6:24

Chatawhcha abei ta biepie ta, hiatliana vâta Dâniah a leihtuhpazy cha a vaw chhi ei ta, chakeibarôhneipazy lôpu liata thy ei ta, âmo, ama sawzy nata ama lapinôzy chhao ta. Lôpu siphiah chhao ama tlô hlâta, chakeibarôhneipazy ta a vaw zawhnao ei ta, ama ru zydua taihta a tlawh ta ama thlie pachhô khai haw.

DÂNIAH 6:25

Chatawhcha Bei Dâria ta khizaw zydua liata a pahrâpa phopi to, râh to nata reih to lâta châ paphao ta, “Thlalôhna nama chô liata pôh mawh sy!

ZEKARIA 6:8

Chatawhcha Vâlyuhchâpa ta ei hnohta, “Moh teh, maw râh lâta a siepazy khata, maw râh liata ei Thlahpa ama pahâsa haw,” tahpa ta na chho ta.

RYUREITUHPAZY 15:7

Sâsawna ta ama hnohta, “He hawhta nama tao khiahta cha, bie ei taih, nama chô liata ei phuh a la ha tua aw na ta, cha khai tawhta cha, tao khao aw va na,” tah ta.