ESTHERI 6:3 - Mara Bible RV (BSI)

³ Abei ta, “Cha kyh vâta Môdekai hnohta khâpa palyupalihna nata rônahna ma piepa a châ tly?” tah ta. Abei chakaotuhpa thyutliazy ta, “Ano châta khâpa hmah taopa y vei,” tah ei ta.

ESTHERI 6:3 ပူးပေါင်းရင်းမြစ်များ

ÂTHAONA 40:23

Châhrasala nyu hlâtuhpazy hyutuhpa ta Zawsi cha a thei khao leipa ta, my ha ta.

1 THÂTIHZYRONA 11:6

Dâvi ta, “Ahy rai Zebu mo a thie tuachaipa cha pheisaih hyutuh chaipa a châ aw,” tah ta. Zeru sawchapawpa Zôabâ khy tuachai ta, chatanachata ano cha pheisaih hyutuh chaipa ta taopa a châ.

ESTHERI 6:2

Abei ochhi vaituhpa hrilyupa pano, Bikathâ nata Tere ta Abei Ahasuarâ chô liata kupathla amâ chhuahpa kyh Môdekai ta a phuahpa thâtih ropa hmôpa châ ta.

ESTHERI 6:4

Abei ta, “Dôhpachhôh tlyhmia liata chyhsa ama y ma?” tah ta. Cha nota Hâmâ cha ano ta paaosaona a taopa liata Môdekai paaosao awpa kyh abei reikhei awpa ta, abei o dôhpachhôh tlyhmia tytuapa liata a vaw ngia ta.

BIECHHOTUHPA 9:15

Cha khihpi liata chyhsa sopa dyhchhiepa pakha y ta, a sona ta cha khihpi cha a pachha haw. Châhrasala cha dyhchhiepa cha a thei tlâ khao veih ei.

DÂNIAH 5:16

Nâ deikua cha chhopasianazy reih thei chi ta, bie rupazy na pathlâ thei tahpa ei thei. Tahmâ châropa he reih thaipa ta, a chhopasiana eina pahnosa thei khiah chi ta cha, poh saihlawpa pabupa châ aw chi ta, na rao liata ngôh pachhih paaopa châ aw chi ta, ei râh liata ryureituhpa a sâh chaipa a pathôhna na châ aw,” tah ta.

DÂNIAH 5:29

Chatawhcha Belsâza ta biepie ta, Dâniah cha poh saihlawpa pabupa châ ta, a rao liata ngôh pachhih paao ei ta, khinarâh liata ryureituhpa a sâh chaipa a pathôhna ta phuahpa a châ.

DÂNIAH 5:7

Dyuthaipazy, awhsithaipazy nata pachaothaipazy ano lâ a vaw chhi awpa ta abei cha a paro ngaitapa ta awh ta. Abei ta Babylaw chyhsa sopazy hnohta, “Ahy rai he châropa he reih ta, a chhopasiana nâ chho theipa cha, poh saihlawpa pabupa châ aw ta, a rao liata ngôh pachhih paaopa châ aw ta, khinarâh liata ryureituhpa a sâh chaipa a pathôhna a châ aw,” tah ta.