ESTHERI 5:9 - Mara Bible RV (BSI)

⁹ Cha noh ta, Hâmâ cha thaphapa nata a ly ngaitapa ta pua ta. Châhrasala abei tlyhmia liata Môdekai hmô ta, a duah leipa ta, a hmiakô liata â chalyu leipa a hmô nahta, Hâmâ cha Môdekai chô liata thata a hiehâh ta.

ESTHERI 5:9 ပူးပေါင်းရင်းမြစ်များ

1 ABEIZY 21:4

Zezari chyhsa Nâbô ta cha hawhpa bie a hnohta a reipa vâna chata, Ahabâ cha pachâchhie ngaitapa nata palôh châ lei ngaitapa ta a o la a di ta. Nâbô ta, “Nâ pathlatuhpazy ryu cha pie thei aw va na,” khâchâ tah ha tlôh ta. Chatanachata a rakhô liata a zia ta, hiakha lâ a heih ta, pati rai nie khoh khao leipa ta.

1 ABEIZY 21:6

Ahabâ ta Zezebel hnohta, “Zezari chyhsa Nâbô hnohta, ‘Na kre sadô he na chaleisa teh. Na khoh via khiahta cha, kre sadô hropa ei cha pie aw,’ tah na ta, ano ta, ‘Ei kre sadô he cha pie aw va na,’ tahpa ta einâ chhy hapa vâta a châ,” tah ta.

ESTHERI 2:19

Laihsa kôpazy a einona ta amâ hmaoh nota, Môdekai cha abei chhikao thaby liata a tyuh ta.

ESTHERI 3:2

Ano kyh liata abei ta bie a piepa hawhta, abei tlyhmia liata a tyuhpa bei chakaotuhpa zydua ta Hâmâ hmiakô liata a bôhpa ta amâ naoh tyh. Môdekai deikua cha Hâmâ hmiakô liata a bôh khoh leipa ta, a naoh khoh vei.

ESTHERI 3:5

Môdekai ta a hmiakô liata â bôh leipa nata â naoh leipa Hâmâ ta a hmô nahta, Hâmâ cha hiehâhna ta bie ta.

ESTHERI 5:13

Châhrasala abei tlyhmia liata Zu chyhsa Môdekai â tyupa ei hmô chhôh zydua ta la, cha zydua cha ei châta khâpa hmah phahnai vei,” tah ta.

ZAWBÂ 20:5

Hmoparaopa thaphana cha chyuta ta, Khazoh a pahno leipa alyna cha buakha deita a châ tahpa pahno beih va chi ma?

ZAWBÂ 31:31

Ei poh o liata chyhsazy ta, ‘Zawbâ sa cha lôhrâtlôna taihta eima nie sy,’ ama tah tyh.

HLAZY 15:4

A mo ta hrochhiepa chhyh thai leipa ta, Abeipa a chipa deikua a palyupalihpa; Pasana a tlôkhei theipa chhao ta a bietai khâ a patupa,

HLAZY 27:3

Pheisaihzy ta riehmo na paryh thlu hra ei sala, Ei palôh dua leipa aw ta; Adyuhna ta na vaw tlô thlu hra sala, Ei ngâh thlâh ha aw.

DÂNIAH 3:13

Nebukaneza cha a hiehâh ngaita ta, Sâdarâka, Mesâka nata Abenekô zy cha a vaw chhi awpa ta biepie ta. Cha chyhsazy cha abei hmiakô liata a vaw chhi ei ta.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

LUKA 6:25

“Nâmo, tahmâ nota rihbiepazy saih u, nama hu a po na, nama no a di awpa vâta. “Nâmo, tahmâ nota a pahneihpazy saih u, nama hu a po na, mâchhiesapa ta nama y awpa vâta.

ZAWHÂNA 16:20

Hmeiseihta ta, hmeiseihta ta ei cha chho ei, nâmo cha, cha aw ei chi ta, chaphôh nama tu aw, khizaw deikua cha â ly aw. Pachârôhpa ta y aw ei chi ta, châhrasala nama pachârôhna cha thaphana lâta â lie aw.

HMOTAOPAZY 7:54

Cha biezy cha ama thei nahta, ama pathi ia ngaita ta, Stiphana cha ama hâh charieh chie ei ta.

ZÂMIE 4:9

Pachârôhpa ta y u la, mâchhiesa u la, cha teh u. Nama pahneina cha mâchhiesana lâta a lie sala, namâ lyna chhao hnabeidyna lâta a lie mawh sy.