ESTHERI 4:5 - Mara Bible RV (BSI)

⁵ Estheri ta ano chakao awpa ta raopa bei chakaotuhpa hrilyupa Hâthâh aw ta. Môdekai lâ tuah ta, a hmotaopa yzie nata khâpa vâta a taopa ma a châ tahpa kei pahiahrisa ta.

ESTHERI 4:5 ပူးပေါင်းရင်းမြစ်များ

ESTHERI 1:10

A noh sarina noh ta, abei cha kresawhti vâta a palôh thathyu kaw ta, chatanachata bei chakaotuhpa pasarizy, Mehumâ, Bizathâ, Hôbônâ, Bithâh, Abathâ, Zethâ nata Kâkâ zy cha,

ESTHERI 1:12

Châhrasala Beinô Vâsti ta chakaotuhpazy ta bei biepiepa ama chhopa cha paryhsa leipa ta. Abei cha a ruchhô ngaita ta, pathi iapa ta a chhôh thata kâ ta.

ESTHERI 4:10

Estheri ta Hâthâh cha Môdekai lâ tuah heih ta, a hnohta hetana heta chho awpa ta bie a pie:

ESTHERI 4:4

Môdekai hmotaopa cha, Estheri laihsazy nata a chakaotuhpa hrilyupazy ta Estheri chho ei ta. Beinô cha a pachârôh ngaita ta. Môdekai cha a latho poh hlaipa ta chysia a tao awpa ta, chysiazy paphao ta. Châhrasala Môdekai ta a hlâh khoh leipa ta.

ESTHERI 4:6

Hâthâh cha abei tlyhmia hmia lâta khihpi tlyliah liata a ypa Môdekai lâ vawh ta.

ESTHERI 4:9

Hâthâh ta Môdekai bietapazy cha Estheri chho ta.

RAWMA 12:15

Alypazy a lykhei u la, achapazy chakhei teh u.

1 KAWRINI 12:26

Pachiahpa miakha pasa a tao tita, pachiahpa zydua ta taokhei ei ta, pachiahpa miakha palyupalihpa ta a y tita, pachiahpa zydua ta amâ lykhei tyh.

PHILIPI 2:4

Nâmo khopa dei moh leipa u la, mohropazy khopa chhao moh tyh hra muh vy.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.