ESTHERI 4:16 - Mara Bible RV (BSI)

¹⁶ “Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

ESTHERI 4:16 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

2 SAMUELA 10:12

Riahphapa ta y u la, eima phopi nata Khazohpa khihpizy châta riahphapa ta y ei suh u. Abeipa ta pha a tahpa hawhta tao mawh sy,” tah ta.

2 ABEIZY 7:4

‘Khihpi chhôh lâ a ngia ei suh u,’ tah mawh sih la, khihpi chakâh tlôh ei ta, cha liata thi pyly aw pi. He liata eimâ tyupa chhao ta, thi pyly aw pi. Chavâta a vy teh u, Aramia pheisaihzy riehmo lâ vawh thlâh tua suh u. Eima hrona miah ama pahlôh khiahta cha, hroh aw pi ta, miah ama thie khiahta cha, cha liata thi thlâh ha lah vâ pi,” tah ei ta.

2 THÂTIHZYRONA 20:3

Zehôsaphâ cha chi ngaita ta, Abeipa tluana lâta a hmia pahei ta, Zudâh râh zydua kâhvileipa ta y awpa ta phuah ta.

EZRÂ 8:21

Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

ESTHERI 4:15

Estheri ta hetana heta Môdekai kei pachhosa heih ta:

ESTHERI 4:17

Chatanachata Môdekai cha vawh ta, Estheri ta bie a piepa zydua hawhta tao ta.

ESTHERI 4:3

Bei biepiepa nata châpapuapa a tlôna bia to liata a ypa Zuzy cha thata mâchhiesapa ta, kâhvileipa nata chapa nata chaphôhtupa ta y ei ta. Chyhsa hluhpi cha latho poh a bupa ta buchâh liata a zia ei ta.

ESTHERI 5:1

A noh thôna noh ta, Estheri cha beinô chysia a tobi ta, abei o dôhpachhôh tlyhmia liata abei chhôhpadâhpa dady liata a kei duah ta. Abei cha abei o angiana dady liata beidyuchhai chhôhpadâhpa chhôh liata a beidyuchhai liata a tyuh ta.

ESTHERI 9:31

Puri nohzy kyh liata, Zu chyhsa Môdekai nata Beinô Estheri ta Zuzy cha bie pataihsa ei ta, bie amâ taihpa hawhta, âmo nata ama pathlazy ta a daihti raopazy liata kâhvileipa nata chaphôhtupa ta Puri nohzy cha chay tyh awpa ta, châpaphaopa liata ropa a châ.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ZEREMIAH 36:9

Zôsia sawchapawzy Zudâh bei Zehôki abeina kô pangawhna, thla chakina liata, Zerusale khihsaw zydua nata Zudâh khihpizy tawhta Zerusale lâ â vypa chyhsa zydua ta Abeipa hmiakô liata kâhvileipa ta y awpa phuah ei ta.

DÂNIAH 2:18

Dâniah nata a viasazy cha Babylaw chyhsa sopazy chhao ta pahleipadiapa ama châ lei nawpa ta, cha bienyupa kyh liata avâ Khazohpa ngiachhiena a haw awpa ta a viasazy cha chho ta.

MATHAI 12:40

Zawna ta nga laipa py chhôh liata noh thôh nata zâ thôh a ypa hawhta, Chyhsa Sawchapawpa chhao alei chhôh liata noh thôh nata zâ thôh a y aw.

LUKA 9:24

Ahy rai a hrona pabohsa a chhuahpa cha, a hrona pahlei aw ta, keima vâta a hrona a pahleipa deikua cha, a hrona a pabohsa aw.

ZAWHÂNA 19:22

Pilâ ta a chhy ta, “Ei ropa cha ei ropa a châ,” tah ta.

HMOTAOPAZY 10:7

Bie a chhotuhpa vâlyuhchâpa a sie nahta, Kawnilia cha a chakaotuhpazy hry liata chyhsa pano nata a vaituhpa pheisaihzy hry liata Khazohpa a pachâpa pheisaih pakha aw ta.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

HMOTAOPAZY 27:33

Khihdei chy ta, Pawla ta chyhsa zydua cha pati nie awpa ta chho ta, ama hnohta, “Tanoh he nôpopa ta nama y tawhta noh hrawh hleipalih châ ha ta, nie leipa ta y ei chi ta, khâpa hmah nie veih ei chi.

HMOTAOPAZY 9:9

Noh thôh chhôh cha hmô thei leipa nata khâpa hmah niedoh leipa ta y ta.

RAWMA 16:4

Ei hrona pabohsa awpa ta rao a dao ngâhpazy châ ei ta, kei ta ama hnohta alyna bie ei reipa dei châ leipa ta, Zenitai awnanopa zydua ta alyna bie ama hlâ hra.

PHILIPI 2:30

Nâmo ta eina deichhy awpa vyuhpa nata namâ phahlanazy pabie awpa ta, a hrona sokhâhpa ta na chakao ta, Krista raihria vâta a thi daihmâpa a châ.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

1 SAMUELA 19:5

A hrona sokhâhpa ta Philistinâ chyhsa kha thie ta, Abeipa ta Izarei zydua châta pachhana rônah ngaitapa a tao. Cha cha nâ chhao ta hmô chi ta, nâ ly ngaitapa kha a châ. Khazia a chhâpa y leipa ta Dâvi cha thie aw chi ta, mosiapa thisaih chô liata moleina na tao aw?” tah ta.