ESTHERI 4:14 - Mara Bible RV (BSI)

¹⁴ He hawhpa daihti liata nâ chalih thlâh ha khiahta cha, Zuzy châta abohna nata pachhana su hro lâ tawhta vaw tlô aw ta, nâ nata na paw chhôhkhazy deikua cha nama leidia aw. Beinô na châpa he, he hawhpa daihti châta châ vei tahpa ahy a reih thei aw?” tahpa ta.

ESTHERI 4:14 ပူးပေါင်းရင်းမြစ်များ

ÂTHAONA 22:14

Chavâta Abarahâ ta cha su cha Zehôvâh Zire tahpa ta a moh bi ta, tanoh taihta, “Abeipa tlâh liata piepa a châ aw,” tah tyhpa a châ.

2 ABEIZY 13:5

Chatanachata Abeipa ta Izarei cha pachhatuhpa pie ta, Aramia mo ku tawhta pua ei ta, Izarei sawzy cha ama y tyhpa hawhta ama o chyu liata y heih ei ta.

2 ABEIZY 19:3

Âmo ta Isai hnohta, “Hezekia ta hetana heta a tah: ‘Tanoh he nôpona noh châ ta, rana noh chhao châ ta, nohzaona noh a châ. Sawzy ama pina daihti tlô ha ta, châhrasala papihsa awpa ta thatlôna y khao vei.

EZRÂ 9:9

Seizy châ pi ta, châhrasala eima Khazohpa cha eima seichâna liata miah a heihsai vei. Persia beizy hmiakô liata eima chô liata a zawngiahna a palâsa. Eima Khazohpa o padua ta, a raonazy taopathi awpa ta, eima seichâna tawhta miah pahua ta, Zudâh nata Zerusale liata abohna thokhyzy miah a taopa.

NEHEMIAH 6:11

Châhrasala kei ta, “Kei he a râ thlâh awpa chyhsa ma ei châ? Kei hawhpa chyhsa heta Achhyna o chhôh lâ a ngiapa ta ma ei hro ei pabohsa aw? A ngia aw va na,” tah na ta.

ESTHERI 2:15

Môdekai ta sawchanô ta â lapa Estheri, Môdekai unawhpa Abihai sawchanô cha, abei lâ â ngiana daihti a tlô nahta, chanôzy mohôhtuhpa hrilyupa Hekai ta ano châta â tlyhpazy tah leipa cha, khâpa hmah a chei leipa ta. Estheri cha a hmôpa maih mody kawpa châ ta.

ESTHERI 2:17

Abei ta chanô hropa zydua hlâta Estheri cha khoh chai ta, laihsa kôpa hropa zydua hlâta abei ngiachhiena nata khokheina to via ta, chatanachata beilakho pakho ta, Vâsti vyuhpa ta beinô ta a tao haw.

ESTHERI 2:7

Môdekai cha a paw unawhpa sawchanô Hadâsâ chhytuhpa châ ta, Hadâsâ cha Estheri tahpa ta awpa a châ. Estheri cha nôpaw a hnei khao leipa vâta Môdekai ta a chhy. Cha laihsa cha pizie pha kawpa nata mo ngia kawpa châ ta, a nô nata a paw ama thi tawhta, Môdekai ta a sawchanô ta â lapa a châ.

ESTHERI 4:13

Môdekai ta hetana heta Estheri cha a chhy awpa ta a chho ei: “Zu chyhsa zydua ta ama khôkhâh lei awpa cha, nâ chhao abei o liata y hra la, a khôkhâh awpa a pangiasa khah y.

ESTHERI 4:15

Estheri ta hetana heta Môdekai kei pachhosa heih ta:

ZAWBÂ 9:18

Huhnopa ta y na pasaih leipa ta, Ruchhôna ta eina pabie.

BIECHHOTUHPA 3:7

Hrie daihti y ta, bieh daihti a y; A chalih daihti y ta, bierei daihti a y;

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

ZEREMIAH 46:28

Hy nâ chakaotuhpa Zakaw, chi khah y, Ei cha ypâ mâh tâh. Ei cha to papuana phopi zydua cha, Tlokhuh ei pachhâsa aw ei; Nâ deikua cha tlokhuh cha pachhâsa aw va na. Hrie leipa ta deikua y leipa aw chi ta, Dâh dopa ta ei cha chhorei aw,” Abeipa ta a tah.

THEIHTHAINA 26:42

Zakaw nata Aisika nata Abarahâ zy hnohta ei biehraizy kha a thei aw na ta, râh cha ei thei thlâh ha aw.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

RYUREITUHPAZY 15:6

Philistinâ mo ta, “Ahy ma he hmo he a tao?” tah ei ta. Âmo ta, “Timnah chyhsa piahpa Sâsawna taopa a châ hih, a puhpa ta a lapinô chhu ta, a viasapa a pie hapa vâta a châ,” tah ei ta. Chatawhcha Philistinâ mo cha khy ei ta, chanô nata a paw cha mei ta raosao ei ta,

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.

1 SAMUELA 17:29

Dâvi ta, “Khâpa hmo ma ei parao tly? Bie ei hiahripa tlâ châ ta?” tah ta.