ESTHERI 4:11 - Mara Bible RV (BSI)

¹¹ “Bei chakaotuhpa zydua nata abei râhzy liata chyhsa zydua ta, ahy rai, chanô chhao, chapaw chhao, aw leipa ta abei chhôhpadâhpa chhôh chaipa lâ a ngiapa cha, ryhpa miakha deita y ta, thie awpa a châ. Abei ta ano lâta ngôh chôchahrei a chaluahpa deita a hroh tyh tahpa ama pahno khai. Kei he abei ta noh sythôh chhôh na aw khao vei,” tahpa ta.

ESTHERI 4:11 ပူးပေါင်းရင်းမြစ်များ

ESTHERI 1:19

Abei alynazie a châ khiahta cha, bei biepiepa pathâhsapa châ sala, Vâsti cha Bei Ahasuarâ hmiakô liata a luah beih khao lei awpa ta taopa châ sala, panano thei khao lei awpa ta, Persia nata Media ryhpazy hry liata pahlaopa châ mawh sy. Beinô a châna chhao, ano hlâta a pha viapa hnohta abei ta pie mawh sy.

ESTHERI 2:14

Zâlâ ta a ngia ei ta, a mylâ my ta chanôzy yna mianona lâ amâ lie tyh. Chanôzy yna mianona mohôhtuhpa cha bei chakaotuhpa hrilyupa Sâsakâ châ ta, ano cha abei nôthozy mohôhtuhpa a châ. Abei ta a chô liata a ly ta, a moh ta a aw heihpa laihsa tah leipa cha, laihsa hropazy cha abei lâ amâ ngia awpa châ khao vei.

ESTHERI 4:10

Estheri ta Hâthâh cha Môdekai lâ tuah heih ta, a hnohta hetana heta chho awpa ta bie a pie:

ESTHERI 4:12

Estheri biereipa cha Môdekai chho ei ta.

ESTHERI 6:4

Abei ta, “Dôhpachhôh tlyhmia liata chyhsa ama y ma?” tah ta. Cha nota Hâmâ cha ano ta paaosaona a taopa liata Môdekai paaosao awpa kyh abei reikhei awpa ta, abei o dôhpachhôh tlyhmia tytuapa liata a vaw ngia ta.

ESTHERI 8:4

Abei ta ngôh chôchahrei cha Estheri lâ chaluah ta. Estheri cha thyu ta, abei hmiakô liata a duah ta,

DÂNIAH 2:9

Khâpa mâ ma ei sa tahpa eina chho leipa khiah ei chi ta cha, hriena dei leipa ta cha nama to hro awpa y vei. Hmo â vaw nano laih awpa hnabeiseihpa ta, ei hmiakô liata haipa nata moleina biezy rei awpa namâ paraohpa a châpa ei pahno haw. Ei mâsapa cha na chho teh u, chatanachata a chhopasiana eina chho thei aw ei chi tahpa ei pahno aw,” tah ta.

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.