ESTHERI 3:7 - Mara Bible RV (BSI)

⁷ Bei Ahasuarâ abeina kô hrawh hleinona, thla khana, Nisan thla liata, Hâmâ hmiakô liata noh chareih Puri pachao ei ta. Puri pachaopa cha nuby a daopa a châ. Nuby cha thla chareih ta a dao ei ta, thla hrawh hleinona Adar thla taihta amâ dao.

ESTHERI 3:7 ပူးပေါင်းရင်းမြစ်များ

EZRÂ 4:6

Ahasuarâ â bei nota, â bei pathaona daihti liata, dyuhtuhpazy ta Zudâh nata Zerusale mo leihna châ ano lâ paphao ei ta.

EZRÂ 6:15

Achhyna o cha Bei Dâria abeina kô charuna, Adar thla, noh thôhna noh ta palohpa a châ.

NEHEMIAH 2:1

Bei Âtazezia â beina kô kihna, Nisan thla liata, a hmiakô liata kresawhti ama vaw so nahta, kresawhti cha la na ta, abei pie na ta. Cha hlâta a hmiakô liata pachârôhna hmia phaoh beih leipa na ta.

ESTHERI 1:3

 beina kô thôhna liata a beimachâ nata chakaotuhpa zydua châta kyhchhi tao ta. Persia nata Media pheisaihzy nata râh pachhaihpazy tawhta nôpawpazy nata râhvaotuhpazy a hmiakô liata y khai ei ta.

ESTHERI 2:16

Bei Ahasuarâ â beina kô sarina, thla hrawhna, Tebe thla liata, Estheri cha Bei Ahasuarâ yna abei o chhôh lâ a ngiakheipa châ ta.

ESTHERI 9:1

Chatanachata abei biepiepa nata châpapuapa hawhta taopa ta, ama chariahzy ta Zuzy chô liata kupathlapa ta pahnie amâ chhuahna noh, thla hrawh hleinona, Adar thla, noh hrawh hleithôhna noh liata, â lie lâta hmo vaw y ta. Zuzy ta âmo a haotuhpazy chô liata kupathlapa ta ama pahniena noh tlao a vaw châ haw.

ESTHERI 9:21

Adar thla, noh hrawh hleipalihna noh nata noh hrawh hleipangawhna nohzy cha kô chareih ta chay awpa ta bie a pie.

ESTHERI 9:5

Zuzy ta ama chariah zydua cha zaozi ta chhawhpa ta, thie ei ta, pahleipadia ei ta, âmo a haotuhpazy chô liata ama khopa hawhta ama tao haw.

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

MATHAI 27:35

Ama khaipâ khai nahta, nuby a daopa ta a chysiazy a rai ei ta.